Uncategorized

Uthathwa ngumfula ahlale amalanga amabili esihlahleni

22 Dec, 2014 - 11:12 0 Views
Uthathwa ngumfula ahlale amalanga amabili esihlahleni

uMthunywa

NguThando Mpofu
KULENDODA yeNkayi eqede amalanga amabili ilenga egatsheni lwesihlahla ebesiphakathi komfula ngemva kokukhukhulwa ngamanzi.   

Indoda le, uEmmanuel Ngwenya oleminyaka engu-18 odabuka esiqintini seJongola  ibelenhlanhla yamaswazi ngemva kokutholakala iphila ngemva kokuhlala amalanga amabili ilenga esihlahleni phakathi komfula uShangani.

Kuzwakale ukuthi lindoda yachapha umfula uShangani kuntambama ngehola lika 7 mhlaka 8 Nhlolanja isiyakwelusa yathi iphenduka yafica umfula usugcwele.

Kubikwa yazama ukuchapha umfula lo owawusugcwele yathathwa ngamanzi amkhukhula okomango othize kwathi ngemva kwemizuzwana nje wathola isihlahla esikhulu esasiwele phakathi komfula wahle wabambelela kolunye ugatsha lwaso.

Kuzwakale ukuthi wahlala ebambelele kugatsha lwesihlahla lesi ephakathi kwamanzi okwamalanga amabili waze watholwa ngesinye isakhamuzi esibikwe ngokuthi ngu-Ian Ngwenya ngehola lesikhombisa elokhe ebambelele easihlahleni.

Isakhamuzi lesi kubikwa saphanga sayabikela amapholisa abuya kwathi ngemva kwesikhathi kweza abebutho lezindizamtshina i-Airforce bamkhupha ngendizamtshina emini ngehola lika 3.

Kubikwa ukuthi lundoda wagijinyiselwa esibhedlela seNkayi lapho afika welatshwa khona.

Isikhulumi samapholisa uAssistant Inspector Siphiwe Makonese uthe bawamukele umbiko lo.

“Samukele umbiko wendoda ethethwe ngamanzi yahlala esihlahleni okwamalanga amabili. Lindoda icine incedwa ngamapholisa kanye labe-Airforce,” kutsho uAsst Insp Makonese.

Uphethe ngokukhuthaza uzulu ukuthi alimuke nxa echapha imifula ikakhulu ngesikhathi sezulu ngoba umfula ogcweleyo uyingozi.

Kumaviki amabalwa edluleyo kulandela ukuna kwezulu elinengi izakhamizi ezihlala endaweni ezitshiyeneyo bezikhangelane lodubo lwezikhukhula ebezitshiya zidilize imizi lempahla kuthi abanye labo kwadingakala ukuthi basuke ezindaweni abahlala kizo.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds