USuper ngumqeqeshi sibili

13 Dec, 2018 - 00:12 0 Views

uMthunywa

YiNtatheli kaMthunywa
UBEKITHEMBA ‘Super’ Ndlovu loba wehluleka ukunceda ukuthi iBulawayo City ingaxotshwa kuligi yeCastle Lager, usetshengisele ukuthi ungumqeqetshi kuzwa ekulolongeni ithalenta elisakhulayo.

UNdlovu usengenise iqembu lesizwe lama-Under 20 ku-final yenkezo yeMopani Mines Cosafa Under 20 kulandela ukunqoba iZambia ngamabhola amabili eqandeni. Lokho kutsho ukuba uNdlovu labafana bakhe sebezangqikilana lentshantshu iSouth Africa.

Umncintiswano ohlanganisa amazwe adlala inguqu emhlubulweni ongezanzi yeAfrica, udlalelwa eZambia.

IZambia izadlala le-Angola kudingwa isizwe esizaqeda sikunombolo yesithathu.

Umfana weHighlanders uAndrew Mbiba uhlohle elesibili elisukumise inkundla yonke. Kubikwa laloba abakade bengasekeli iZimbabwe becine beyitshayela ihlombe ngemva kwebhola likaMbiba. Elinye ibhola ligaxwe entanjeni nguDelic Murimba.

Engakasuki leqembu lakhe ngeviki edluleyo, uNdlovu wabikela uMthunywa ukuba uzaphenduka layo inkezo.
Iqembu leSouth Africa linqobe iAngola nge 1-0.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds