USunday ukhetha abakhe

17 May, 2018 - 00:05 0 Views
USunday ukhetha abakhe USunday Chidzambwa

uMthunywa

Nkosilathi Sibanda
KUZASETSHENZWA nzima enkambeni yeqembu lesizwe kunguqu amaWarriors kusukela kulimpelaviki kulungiselelwa umqhudelwano wenkezo yeCosafa osunxuse wonke amazwe akumhlubulo ongezansi yeAfrica ukuthi aphatheke kuyo.

Ukudlaliswa kwamaqembu alitshumi lane ngokwakuqala kumbali yalinkezo. Isizwe seZimbabwe yiso intshantshu yomnyaka odluleyo.

Umqeqetshi wamaWarriors uSunday Chidzambwa usekhiphe uluhlu lwabadlali alethemba lokuthi uzabalolonga bayenqoba kumidlalo ezaqhutshelwa edolobheni leLimpopo kweleSouth Africa kusukela mhlaka 27 kulinyanga kusiyafika umhlaka 9 kuNhlangula.

Ekhuluma loMthunywa ngoLwesithathu umqeqetshi lo uthe ukhethe abadlali ababona belakho ukuthi bayigcine inkezo yeCosafa. Umqeqetshi lo uthe uyazi ukuthi banengi abadlali abafanele ukudlalela iqembu kodwa labo abakhethileyo bengenza ngcono.

Iqula elizaqala ukulolonga ngaphansi kukaChidzambwa ligoqela labadlali abakumaqembu aphetsheya abalisa uAdmiral Muskwe oweLeicester City, uMarvelous Nakamba osegijimela iClub Brugge lengcitshi uKnowledge Musona.

“Sizayigcina inkezo yethu. Ngibize abadlali abanengi njalo yikho sizakhipha abanye ukuze sisale lalabo abaqinileyo, abazenelisa ukuthi baphindisele inkezo ekhaya,” kutsho lumqeqetshi obike wathi useqalile ukulungiselela umncintiswano.

Abadlali abakhethwe enkambeni:
Onozinti: George Chigova (Polokwane City), Edmore Sibanda (Witbank Spurs), Donovan Bernard (Ngezi Platinum Stars), Chang Mariyoni (Triangle).

Imvimbi: Alec Mudimu (CEFN Druids), Teenage Hadebe (Kaizer Chiefs), Kelvin Moyo (FC Platinum), Byron Madzokere (Yadah Stars), Liberty Chakoroma (Ngezi Platinum Stars), Tendayi Darikwa (Nottingham Forest), Jameson Mukombwe (FC Platinum), Takudzwa, Chimwemwe (Harare City), Costa Nhamoinesu (AC Sparta Prague), Ronald Pfumbidzai (Bloemfontein Celtic), Honest Moyo (Highlanders), Adam Chicksen (Bradford City).

Abasesiswini: Marshall Munetsi (Orlando Pirates), Richard Hachiro (Herentals), Andy Rinomhota (Reading), Kundai Benyu (Oldham Athletic), Abbas Amidu (Entag El Harby), Talent Chawapiwa (Baroka), Leeroy Mavunga (Yadah Stars), Khama Billiat (Mamelodi Sundowns), Ovidy Karuru (Amazulu), Tafadzwa Kutinyu (Singida United), Marvelous Nakamba (Club Brugge).

Abagadli: Knowledge Musona (KV Oostende), Evans Rusike (Supersport United),Macaulley Bonne (Leyton Orient), Tinotenda Kadewere (Djurgardens IF), Kelly Lunga (Bonner SC), Admiral Muskwe (Leicester City).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds