USipho Makhabane uphawula ngokutshontshela uHlengiwe

USipho Makhabane uphawula ngokutshontshela uHlengiwe

0 522
UHlengiwe Mhlaba ebonga uSipho Makhabane ngakho konke amenzele khona ngesikhathi ethula i-albhamu yakhe ethi Abba Baba lenkampani yakhe iMhlaba Music eDCC ngo-2012

‘‘ABANTU abazi iqiniso bathathu, yimi, uHlengiwe loNkulunkulu.”

Utsho kanje umakadebona womculo wokholo uSipho “Big Fish” Makhabane mayelana lezinsolo zokuthi wadla izigidi zikaHlengiwe Mhlaba, ayengumphathi wakhe.

Iphephandaba lesiNgisi eliphuma ngeSonto libike ukuthi uMakhabane, owavumbulula uHlengiwe, usolwa ngulumculi ngokudla uR8,5 miliyoni yemali etholwa ngokudlala komculo emsakazweni lakwezinye indawo, okubizwa ngama-royalties.

Kuvela ukuthi uHlengiwe uthole ukuthi engomeni zakhe ezingu-90 ezaqoqa ama-royalties akhe kwaSouth African Music Rights Organisation (Samro), zingu-24 kuphela ezakhokha 16,7 percent yemali okumele ize kuye.

Kuvela ukuthi ukweletwa omunye uR8,5 miliyoni yemali yokudayiswa kwamaCD. Kuthiwa eminyakeni engu-10 wathola uR4,5 miliyoni kuMakhabane.

Iphepha elikhiphe lokhu alimtholanga uMakhabane ukuthi aphendule imibuzo. Utshele Isolezwe ukuthi uphatheke kabi ngale mibiko futhi ngeke aphawule kakhulu.

“Abantu abazi iqiniso uHlengiwe, yimi loNkulunkulu,” kutsho uMakhabane.

“Akekho umzali okhulisa ingane abale kodwa lamuhla kuhlangana abantu bathi angizobala. Kubuhlungu kimi ukuthi ingane engayikhulisa kanzima isikhuluma kanje ngami. Kulungile. UNkulunkulu, uSipho loHlengiwe bayazi. Sebengangena abelungu bezokwenza izibalo ngoba bafundile, mina ngagcina ebangeni lesithathu,” kutsho yena.

Uthe okubuhlungu kakhulu yikuthi uHlengiwe akezi kuye bakhulume.

Imizamo yokuthola uHlengiwe izolo ayiphumelelanga, ucingo lwakhe belukhala lungabanjwa.

“Ngisilungele isiphambano. Ngitsho lababhala kuFacebook ngithi kulungile. UHlengiwe yindodakazi yami. Engakufunda yikuthi e-Afrika zingu-20 percent kuphela izingane ezibuyela emuva ziyobonga,” kutsho yena.

Iphephandaba liveze ukuthi uphenyo lommeli uGraeme Gilfillan oqatshwe nguHlengiwe luveza ukuthi 83,3 percent wama royalties ukhokhelwe umqambi ongaziwa obizwa ngoDP.

Kuthiwa banengi abaculi abathintekayo okubalwa kubo uJabu Khanyile, Brenda Fassie, Miriam Makeba, Mahlathini nabanye.

Ucwaningo lukaGilfillan lukhomba ukuthi ilinganiselwa kuR1,2 bhiliyoni imali ethathwe egameni likaDP eminyakeni engu-55. Okhulumela iSamro ucashunwe ethi lesi samba siyihaba.

SIMILAR ARTICLES

NO COMMENTS

Leave a Reply