Useyikudla kwamakhadi abomvu

Useyikudla kwamakhadi abomvu

0 84
uRobyn Johannes

IMVIMBI yeBidvest Wits uRobyn Johannes uthi uzovuka azithathe ngemva kokuhlala engadlali ngenxa yekhadi elibomvu.

Umdlali wemuva lo uthola amakhadi abomvu avela kunompembe oyedwa uVictor Gomes.

UJohannes ujoyine iWits ekuqaleni kwesizini ka-2018/2019 umqeqetshi uGavin Hunt ekhangelele okukhulu kuye. Utshiye iCape Town City encengwa ukuthi avuselele inkontileka kodwa wanquma ukubuyela eGauteng.

Selokhu efike kuWits uJohannes usethole amakhandi abomvu amabili. Ngaphambi kokuhamba ku-The Citizens ubekade elelinye.

Womathathu uwanikwe nguGomes okutsho ukuthi uthole amakhandi abomvu amathathu ngo-2018.

Asanda kulithola ulithole umdlalo usuzaphela iWits idlala leKaizer Chiefs okwenze wahlala imidlalo emithathu okungowePolokwane City, Boyne Tigers (Nedbank Cup) loweMaritzburg United.

“Nyakenye ngithole amakhadi abomvu amanengi kulawo wonke kusukela ngaqala ukudlala ibhola. Ngicabanga ukuthi sengidlale iminyaka engu-12 kumbe engu-13 manje kuPremier Soccer League. Ngiphoxekile impela.”

Uqhubeke wathi: “Angifuni ukuzifaka ekutheni unompembe uthini noma wenzani ngezinqumo azithathayo. Ngifuna ukugxila kimi, ngizame ukudlula kule into ngikhangele ikusasa. Ayikho inkinga phakathi kwami loGomes. Angilankinga lomuntu. Ngigxile ekwenzeleni iqembu umsebenzi.

“Okwenzekayo angikwazi ukukulawula. Ngeke ngitsho ukuthi kuyaqondana (ukunikwa amakhadi ngunompempe oyedwa) noma ukenkinga lami. Libhola leli, lezi zinto ziyenzeka. Kodwa ngiphoxekile ngokuthola amakhadi abomvu amathathu ngomnyaka.”

Kulindeleke ukuthi uHunt ambophele uJohannes uma sebekhangelane leHighlands Park kowe-Absa Premiership eMakhulong Stadium ngoMgqibelo.

IWits ihlezi phezulu ku-log ngamaphuzu angu-37 emuva kwemidlalo engu-19.

— Ubulembu

SIMILAR ARTICLES

0 158

0 73

NO COMMENTS

Leave a Reply