URebecca Malope kuma-Idols

25 Jan, 2018 - 00:01 0 Views
URebecca Malope kuma-Idols uRebecca Malope

uMthunywa

PHAKATHI kwalabo abazabe besahlulela kwabazangena kuma-Idols SA, inhlolokhono yawo ebingempelasonto, womakadebona emculweni.

Kungenzeka ukuthi uMusa Sukwene, owadla umhlanganiso ngo-2013, abe ngelinye lamajaji ngesikhathi kuqhutshekwa lenhlolokhono eqale ngoMgqibelo eThekwini.

URebecca Malope, Dr Malinga, DJ Cleo bazoba ngamajaji esikhatshana azabonakala emadolobheni ehlukeneyo.

UNondumiso Mabece, weMzansi Magic, uthe lalonyaka bazosebenzisa abantu abasendimeni yomculo ukusiza amajaji akhona.

“Bazoba khona emadolobheni ehlukeneyo bese kuthi uma uhlelo seluqala ukukhonjiswa kungene amajaji akhona manje aqhubeke lomsebenzi wawo womathathu,” kutsho uNondumiso.

Uthe okwamanje amajaji asazoqhubeka lokuba mathathu ngemva kokutshiya kukaGareth Cliff ngo-2016.

“USomizi Mhlongo, Unathi Msengana loRandall Abrahams bazoqhubeka lokujaja njengoba bekwenzeka ngomnyaka odlule. Azikabi khona izinhlelo zokuqalisa ijaji elitsha elizovala isikhala.”

Mhlaka 27 Zibandlela eKapa uthe kuzoba khona uDJ Cleo; ePitoli mhlaka 10 Nhlolanja kube khona uDr Malinga bese kuvala indlovukazi ecula umculo wezokholo eGoli, eCarnival City, mhlaka 24 Nhlolanja, uRebecca Malope.

NgoMgqibelo intsha yaseThekwini ibiphume ngobunengi izozama inhlanhla. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds