Uphefumula nzima uMutasa

19 Apr, 2018 - 00:04 0 Views
Uphefumula nzima uMutasa Lloyd Mutasa

uMthunywa

YiNtatheli kaMthunywa
IDYNAMOS liqembu elikhulu kodwa ngenxa yokuthi selehluleke ukunqoba kumidlalo eyisithupha edluleyo, seliphenduke laba yinhlekisa ilizwe lonke.

Akukaze kwenzakale kumbali yalithimu ukuthi iqede imidlalo eyisithupha ingatholi injabulo egedini.

Kulisizini zihle zaqala ngokubheda enkambeni kamqeqetshi uLloyd Mutasa osebike ukuba uyazi ukuthi sekumele aphaphame.

Umqeqetshi lo usethole imiklomelo emibili nje.

Kuliviki iDeMbare idibana lomakhelwane iCaps United. Kulumdlalo indlela zivulekile kuCaps United ngenxa yokuthi isitha sayo asiqinanga.

Umqeqetshi uMutasa usehlamukelwe ngabalandeli beqembu asebefuna ukuthi axotshwe emsebenzini.

Kumaviki amabili adluleyo udlame belubhahile enkundleni obekudlalela khona iDeMbare, kungela msekeli olothando lokwenzakala eqenjini.

Iqula labasekeli laba abakulumhlubulo welizwe bathumele uMthunywa umbiko ongeke uthabise umqeqetshi.
Bathe nxa uMutasa engehluleka ukunqoba kumidlalo emithathu elandelayo, bazamcela atshiye umsebenzi.

“Akukho mnandi ukuhlekwa ngamanye amaqembu. IDynamos ngeyethu njalo liqembu okungamelanga lidelelwe kanje. UMutasa nxa kusehlula katshiye kulokuthi asiyangisise,” kutsho uDennis Mundofa, okuqula labakhokheli babasekeli koBulawayo.

“Sihlangana leCaps United ngempelaviki kumdlalo ongathambanga. Kumdlalo lo asicabangeli ukuphuma lolutho kodwa sithi uMutasa adonse amasokisi.”

UMax Kadenguri ongunobhala waleliqembu ubike ukuba umuntu olenkinga nguKenny Mubaiwa umgcinisihlalo weqembu.

“Ibhola lidlalwa enkundleni hatshi emahofisini kamgcinisihlalo uMubaiwa. Ngikhuluma kanje ngoba siyazi ukuthi kukhona abakwenzayo okudala ukuthi abafana benganqobi. Injongo kaMubaiwa ngeyokuxotsha uMutasa, kodwa thina siyala, sithi akulungisiswe ngodaba lolu.”

Ebuzwa ngombono wakhe wokudliwa kweqembu lakhe, uMubaiwa uthe okuzwisa ubuhlungu yikuthi abalandeli sebevusa umsindo emdlalweni.

“Udlame angeke silukhuthaze. Abantu abapholise inhliziyo, iqembu lizanqoba. Inkinga zonke, ukuxabana lokungazwisisani, kuzalungiswa yikunqoba kweqembu,” kutsho lumkhokheli ngoLwesithathu.

Inengi labasekeli laba lithule zwi kulezinsuku.

Iphephandaba likazulu lixoxisane lomqeqetshi lo othe loba esehluleka, ulethemba lokuphendukisa injabulo kumidlalo ezalandela.

“Ngiyezwa isikhalazo sabalandeli, lakimi kubuhlungu ngoba ngikhuluma ngeqembu engihlala ngililolongela ukuthi liyenqoba. Asilindeni imidlalo elandelayo, kuzalunga.

“Kumele sisebenze kakhulu ngaphambili kwenkundla, abadlali bafunde ukuhlohla. Ngikhathazekile sibili,” kutsho uMutasa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds