UNdabendala uyatshisa

UNdabendala uyatshisa

0 141
I-Flying United

Nkosilathi Sibanda

IQEMBU leFlying United eligiqa ibhola lenyawo liseNtabazinduna lonyaka lizadlala kuligi ka-Division 3 ngokutsho komsekeli walo, uEdwin Ndabendala Mlotshwa.

Abadlali baleliqembu bajabule baba manzi te mhla besizwa ukuthi isikhulu seqembu sifisa ukuthi badlalele ukufinyelela amaligi aphezulu kusukela kulisizini.

IFlying United okwamanje idlala ingaphansi kwenhlanganiso yeNtabazinduna Football Association (Ntafa).

UMlotshwa, odume ngelithi Ndabendala eNtabazinduna utshele uMthunywa ukuba uthando lwakhe lwenguqu selumenze waphaphatheka ukuthi alungiselele iqembu ukuze lidlale kunkundla zaphezulu.

“Siyangena kuligi ka-Division 3, sifuna ukuqala phansi ukuze abadlali bakholwe ukuthi kunguqu ukunqoba kuyasetshenzelwa. IFlying United liqembu elisenhlizweni yami. Ngenxa yokuthi yithimu yabafana abasacathula, ngizayisekela kokuphela,” kutsho uNdabendala.

Usomabhizimusi lo ukhulume lokhu ngesikhathi iFlying Stars United inqotshwa yiManchaster Legends ku-final yomqhudelwano wenkezo esekelwe nguye enkundleni yeThokozani eNtabazinduna ngomnyaka odluleyo.   

UMlotshwa ubenxuse amaqembu alitshumi lane kulumqhudelwano.Wonke amaqembu la adibene ngenxa yosekelo lwakhe.

Ukudlalwa kwenguqu ngaphansi kwe-Ntafa kubunjwe kulumnyaka ngenjongo yokuphakamisa ithalenta likanobhutshuzwayo lona elingacutshwa kangako emagcekeni aseNtabazinduna.

UMlotshwa uthe isizatho sokusekela imidlalo sivela ekuthini ufuna ukuphakamisa inguqu yamaqembu asacathula.

“Imidlalo le ingeminye yemizamo yethu yokuncedisa umphakathi weNtabazinduna. Sidinga ukuthi abasakhulayo batshiye izidakamizwa lokungezwa.”

Kusenjalo, iFlying United isithenge ibhasi ezasetshenziswa kumidlalo yalo. 

SIMILAR ARTICLES

NO COMMENTS

Leave a Reply