Uncategorized

Unatha i-acid ngemva kokuthathelwa intombi

05 Apr, 2018 - 00:04 0 Views
Unatha i-acid ngemva kokuthathelwa intombi

uMthunywa

Nomthandazo Ndlovu
KULENDODA yeZvishavane enkunkuluze i-acid yaphosa yazicitsha umphefumulo ngemva kokuthathelwa intombi ngumdlali webhola.

Linkemenkeme yendaba emangalise uzulu yenzakale ngoLwesithathu ngeviki ephelileyo lapho ijaha elingumakorokoza okutholakale ukuthi nguTaurai nje kuphela elinathe i-acid ngoba seliyalwe yintombi yalo uMargaret Moyo ngoba esethandana lomunye umdlali weqembu elidumileyo kuleli.

Ekhuluma loMthunywa uMnumzana Tariro Mangwiro oyisakhamuzi endaweni le, uthe vele abadlali bebhola laba bathwalise nzima amanye amadoda lapho ngokubathathela intombi kanye labafazi babo.

“Abafana bebhola basithwalise nzima, lawo amankazana alapha athanda imali kakhulu, ukuthi nguphi umfana wakhona mina angilaqiniso ngizwe kuthwa uTau senathe i-acid wagijinyiselwa esibhedlela,” kutsho uMnu Mangwiro.

UMnumzana Simbarashe Moyo laye ongumakorokoza osebenza loTaurai uthe bamangele ngesiga lesi esenziwe ngomunye wabo.

“UTau ngimazi ngokuthi sisebenza sonke nje, ngimangele sengisizwa ukuthi unathe i-acid ngenxa yentombi nje kuphela, loba ubemthanda kodwa hatshi lokhu kuphambili,” kutsho uMnu Moyo.

“Mina ngezwa kuthiwa uTau segijinyiselwe esibhedlela unathe i-acid ngamangala ukuthi ungenwe yini zona intombi zigcwele,” kutsho uMnu Moyo.

Imizamo yokukhulumisana loTaurai yehlule ngoba ucingo lwakhe belungangeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds