Uncategorized

Umphathisikolo qoki komakhelwane enqunu

20 Feb, 2015 - 08:02 0 Views
Umphathisikolo qoki komakhelwane  enqunu

uMthunywa

NguMsilisi Dube loLungelo Ndhlovu
UMPHATHISIKOLO wesinye isikolo esiseLobengula koBulawayo kulokhu kunathiswana ngaye itiye elokitshini leThorngrove ngemva kokutholakala emadabukakusa ezigqokele isudu yokuzalwa egumeni likamakhelwane wakhe ngeviki edluleyo.

Umakhelwane lo uvezwe ngokuthi nguMnunzana Sibanda nje kuphela.

Iphephandaba leli lidobhe udletshana lokuthi umphathi lo (ibizo silalo) watholakala egumeni lakoSibanda emadabukakusa ngoLwesithathu kuviki edluleyo ebhunyumunyu.

“Ngavuswa ngumsindo wabantu abasebehubela ukuyabona inina leli elaselitholakale lize emzini wabantu.

Lakhathesi lokhu ngingelankani lalesisiga.

“Mina angizange ngisondele eduze ngoba ngahle ngesaba,” kulandisa omunye umakhelwane wenina leli.

Omunye njalo umfakazi uthe ngaphambi kwesiga lesi, imuli yakoSibanda yayingazange ibuquthe lobo busuku ngoba umntwana ekhala okungaphezu kwamandla abo okwenza bacabangela ukuthi kukhona okutshaya amanzi.

“Ngobusuku bokubanjwa komphathi lo umntwana walapha wayengazange abuquthe. Walala ekhala ubusuku bonke okomntwana ogulayo.

“Ngenxa yalokhu, imuli le yacina isenza umthandazo ukuze kulwisanwe lalokhu okwakukhalisa umntwana,” kulandisa esinye isakhamuzi seThorngrove.

Kuzwakale ukuthi umphathi lo watholwa ngumntwana owavuka esiyakhudumeza amanzi elungiselela ukuya esikolo.

“Esebanjiwe, wacela isigqoko kumntwana lo kodwa umntwana wala ukumupha wavusa abadala.

“Ngemva kokubuzisiswa wachaza esithi ubebalekela umkakhe. UMnu Sibanda watshayela umkakhe lo ucingo embikela ngaloludaba. Umkakhe kathandanga ukulungena kangako ngoba wamane waqhuba isigqoko somkakhenge-durawall wazibuyelela endlini,” kutsho esinye njalo isakhamuzi.

Ngemva kwalokho, imuli zombili zavumelana ukuthi udaba lolu luzalungisiswa phakathi kwemuli lezi.

UMthunywa uxhumane lomphathi lo yena ovumileyo ukuba watholakala egumeni likamakhelwane wakhe lanxa engasaphumelanga egcekeni ngodaba lokuthi wayenqunu.

“Kuliqiniso sibili ukuba ngangena egumeni lakomakhelwane ekuseni. Into ekhona yikuthi ngangilohlupho lomkami ngakho ngavuka ngabaleka ngangena endlini le lapho okuhlala khona omunye umntanami.

“Umntanami ngamthola engekho eye eGweru yikho ukutholwa kwami ngabanikazi bendlu. Ngangingajonganga ukuganga kumbe ukwenza isenzo esithile kodwa ngangisiya endlini yomntanami,” kuchaza umphathi lo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds