UModric utshaya bonke

UModric utshaya bonke

0 73

INGCITSHI yomdlalo wenguqu oweReal Madrid, uLuka Modric ubike ukuthi ubesazi ukuthi uzanqoba isicoco sokuba ngumdlali odlule bonke emhlabeni wonke, iBallon d’Or.

UModric utshaye abadlali ababalisa uCristiano Ronaldo oweJuventus loLioel Messi abajwayele ukuba zintshantshu kulumncnitiswano.

Umdlali lo ophuma kweleCroatia wamukele isicoco sakhe ngokukhulu ukujabula, engethuswa yilutho ngoMvulo. Bekukhangelelwe ukuthi sithathwe zimbangi ezifana loMessi loRonaldo.

Kube ludaba olumnandi kakhulu kulumdlali, ikakhulukazi kubalandeli beMadrid, njengoba iqembu labo selilabadlali abalitshumi lasikhombisa abaphiwa isicoco.

Lokhu kutsho njalo ukuthi uModric ngumdlali wakuqala waseCroatia ukuphakamisa iBallon d’Or.

Kubukeka sengathi uModric ubesevele wezwa ngaphakathi ukuthi uzosithola isicoco njengoba ebonakale ekhululekile.

“Ngibonga abazali bami ngoba yibo abangikhuthaza ukuthi ngidlale ngokuzimisela. Kimi kuyikuhlonitshwa okukhulu ukuwina iBallon d’Or. Kube yikufezeka kwephupho lami,” kutsho uLuka Modric.

“Angikaze ngicabange emqondweni wami ukuwina iBallon d’Or kane. Ngithokozile futhi ngijabule kakhulu. Ngifuna ukujabulela isikhathi lesi ngoba akulula ukuwina,” kuqhuba lumdlali wabonga njalo abanye adlala labo eqenjini lesizwe kanye lakuReal Madrid. — Ubulembu

SIMILAR ARTICLES

NO COMMENTS

Leave a Reply