uMthunywa
UMNYANGO wezeMpilo eSouth Africa usola ubugebengu bezindawo zokusoka ezingekho emthethweni lenkani yokungafuni ukuhlolwa odokotela njengoba lonyaka izinga labantu abatshona beyosoka e-Eastern Cape.
Babalelwa ku-14 abakhwetha (abasuke beyosokwa) asebefile njengoba kuqale isikhathi sokuya entabeni kulesi sifundazwe.
Phakathi kwabo kukhona lendoda eleminyaka engu-50 ebiyosoka kwagcina kuyenele.
UMnumzana Popo Maja, okhulumela uMnyango wezeMpilo kuzwelonke, uthi bahlala betshumayela minyaka yonke ukuthi isiko lokusoka kufanele liqhutshwe ngendlela ephephile engeke ibeke impilo yabantu engozini.
“Siyasazi isimo sase-Eastern Cape futhi sikhathazekile ngaso, kunengi esikwenzayo ukuzama ukunqanda ukutshona kwabantu. Siyasebenzisana leCongress of Traditional Leaders of South Africa (Contralesa) lezinhlaka zokugcinwa komthetho.
“Abazali kufanele baqinisekise ukuthi izingane zihlolwa ngodokotela kuqala ngaphambi kokusoka,’’ kutsho uMaja. Kuthiwa uma sekusondele isikhathi sokusoka zinengi izikole ezingoqhibukhowe ezivelayo zithi zisoka abantu, zibakhokhise imali.
Inqwaba yabantu abashonile kuthiwa abakoNgcobo, Mdantsane, East London, Mbizana laseNyandeni.
Leli siko lihlala liqhutshwa minyaka yonke uma sekuyisikhathi saphakathi komnyaka futhi kuvamile ukuthi kubikwe inqwaba yabantu abatshonayo. Abanye baphuthunyiswe ezibhedlela besesimeni esibi, lapho bafike basinde, bagcine bengawuphonsi umbalane.
UMohale uthe bayalihlonipha kakhulu leli siko lokusoka entabeni kodwa wathi ngeke kubekezelelwe ukufa kwabantu.
Uthe bazoqinisekisa ukuthi labo abatholakala beqhuba umsebenzi wokusoka ngokungekho emthethweni bayabotshwa basiwe emthethwandaba.
“UMnyango wezokuBusa ngokuBambisana neziNdaba zoMdabau esifundazweni seEastern Cape ulusingethe lolu daba.
“Sizobambisana nawo lamapholisa ngoba ayaphithiza endaweni, abheke izikhungo ezingekho emthethweni,’’ kutsho uMaja. — Ubulembu
