Umlotha uyabulala izibungu ezilimweni

13 Dec, 2018 - 00:12 0 Views
Umlotha uyabulala izibungu ezilimweni

uMthunywa

Musa Janga
KULEZINSUKU abalimi abanengi sebesebenzisa imithi yesiLungu edulayo ukubulala izibungu kukanti balakho ukuthi basebenzise indlela zesiNtu ukubulala izibungu ezilimweni zabo ngoba azidingi imali.

UNkosazana Siphilisiwe Moyo ongumlimi uveze ukuthi abalimi balakho ukusebenzisa umlotha ukubulala izibungu.

“Abalimi sebesebenzisa imithi yesiLungu ezilimweni zabo, sebekhohliwe ngemithi yesintu esingayisebenzisa njengomlotha. Umlotha wenza ezimanga ezilimweni.

“Okokuqala umlotha uyasebenza ekuxotsheni izibungu kuzilimo. Nxa ulimile kumbe yimibhida loba umumbu uyathatha umlotha ufafaze phezulu kwesilimo kumbe lapho izibungu ezihlala khona, ungenza njalo izibungu ziyabaleka ngoba kazenelisi ukuhlala lapho. Ngalokho-ke uyabe ususize isilimo sakho ukuze sikhule ngendlela,” kuchaza uNkszn Moyo.

“Imali iyahlupha kulezinsuku, kulokuthi uthwale nzima udinga imali yokuthenga umuthi ungazisebenzisela umlotha,” kulandisa uNkszn Moyo.

Uqhubekele phambili esithi umlotha uyancedisa ekwenzeni umquba omuhle. Ungahlanganisa umlotha lokunye wenze umquba, umquba wakhona uyahlala isikhathi eside emhlabathini izilimo zikhule kuhle.

“Abalimi kabasebenzise umlotha nxa besenza umquba. Umquba lo uyahlala isikhathi emhlabathini okuyindlela efunakalayo nxa ulima izilimo,” kuchaza uNkszn Moyo.

Uphethe ngokuthi abalimi kabaqakathekise ukusebenzisa imithi yesintu abazenzela yona kulokuyakhipha imali bethenga imithi.

“Ukusebenzisa umlotha akuhluphi ngitsho njalo usebenza ngcono ezilimweni,” kuphetha UNkszn Moyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds