Uncategorized

UMITHISA UNKOSIKAZI KAMNEWABO. . . Engangiphosa ngokufa kuzabuyela kuye ngoba lami sengiziqinisile

29 Mar, 2018 - 00:03 0 Views
UMITHISA UNKOSIKAZI KAMNEWABO. . . Engangiphosa ngokufa kuzabuyela kuye ngoba lami sengiziqinisile

uMthunywa

Gladmore Ncube
KULEZELAMANI zePlumtree ezifungelane ijoyi lamakhala abomvu kulandela ukuba omunye wazo emithise unkosikazi womunye.

UMthunywa uzwe ukuthi izelamani lezi zesigabeni sakoBhembenene ePlumtree zixabane kwaba luthuli zibanga umthwalo kaNkosazana Tedzani Moyo.

Kubikwa uJulius Msipha umithise unkosikazi kamnewabo uMnumzana Bhekani Msipa.

UMthunywa uzwe ukuthi uBhekani kahlali ekhaya usebenzela edolobheni lePlumtree njalo uvakatshela ekhaya ngemva kwesikhathi.

“Thina sikwazi ukuthi umuntu uzalela umfowabo nxa yena esehluleka hatshi nje ngokuganga lokuthanda kwakhe. UJulius ubesezikhohlisa lomkamnewabo ngesikhathi engekho.

“Okubuhlungu yikuthi umfowabo umenzela konke akufunayo njalo uyabathumela sikhathi sonke labantwana kodwa yena ukhetha ukuthi athandane lomkakhe aze amithise.

“Thina omakhelwane siyakwazi sihleli sibabona besenza angathi ngumfazi lendoda umnikazi womfazi engekho khathesi sokubizwa kuthiwe kuyini khonokho ukuthi umfazi womnewabo semithiswe ngumnewabo,” kutsho umfakazi oqotho.

Intatheli ikhulumisane loJulius ngaloludaba wathi udaba lolu uyalwazi njalo uyavuma ukuthi kwaphambaniseka.

“Angali lokho ongibuza khona ngoba kuliqiniso njalo sengicelile uxolo kumfowethu. Umfowethu lomkakhe balesikhathi eside bengazwanani njalo sebehlale phose umnyaka bengayi enkonzweni. Ngiphambanisile bekungamelanga ngikwenze lokhu ngoba ngibona bexabana.

“Ngimcelile umfowethu ukuthi sihlale phansi sibize abadala sikhulumisane kodwa ke yena uyala uthi uzangiphosa ngokufa. Nxa engangiphosa ngokufa kuzabuyela kuye ngoba lami sengiziqinisile ukuthi lokho azangenza khona kubuyele kuye umnikazi,” kuchaza uMsipha.

Intatheli ikhulumisane njalo loMnu Bhekani onguye omithiselwe unkosikazi othe lowo okhuphe indaba nguye okumele achazele intatheli.

“Mina angihlali ekhaya lowo okutshele indaba le, hamba kuye ayekutshela ukuthi kwenzakale njani njalo ungazihluphi ngokungitshayela ucingo ngoba angisoze ngitsho lutho.

Imizamo yokukhulumisana loNkszn Moyo yehlule ngoba ucingo lwakhe belungangeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds