UMhlengi uthembisa ukubahlenga abalahlekileyo

25 Jan, 2018 - 00:01 0 Views
UMhlengi uthembisa ukubahlenga abalahlekileyo UMhlengi Khumalo

uMthunywa

MAVIKI onke elikazulu iphephandaba liza lazo ezihlabusa okwamagama lapho elihlanganisa uzulu labahlabaleli kanye labalingiswa babo ababathanda kakhulu. Kuleliviki iphephandaba lidibanisa ababali bephephandaba lejaha elisakhulayo elicula okwamagama umculo wezokholo elibizwa ngokuthi nguMhlengi Khumalo othi yena idlalade lakhe lizabahlenga abalahlekileyo. Nansi ingxoxo phakathi kwentatheli uThando Dube (TD) lo Mhlengi Khumalo (MK).

TD: Khumalo ngiyajabula ukuhlangana lawe kunkundla yokuzithokozisa, akusithi fahlafahla ngamafitshane ngawe?

MK: Ibizo lami lokuzalwa nguMhlengi Khumalo njalo yilo engakhetha ukulisebenzisa emsebenzini engiwenzayo. Ngilijaha elisakhulayo ngiphuma lapha koNthuthuziyathunqa elokitshini lePumula.

TD: Akusitshele kancane ngomsebenzi owenzayo lokuthi kuyini okukupha intshukuntshu ukuthi uwenze?

MK: Mina ngingumhlabeleli ogxile emculweni wokholo lwesiKhristu kakhulu. Sengileminyaka emine ngangena endimeni le. Ukuqala kwami ukuhlabela ngaqala ngililunga leqembu i-Destiny Praise, khathesi sengilelami iqembu i-One Accord Zimbabwe engalisungula loAndile Moyo. Ngiyahlabela njalo ngiliqembu elizimele lodwa.

Ngiyaqoqa njalo imicimbi ehlanganisa abaculi bokholo ehamba ngebizo lokuthi Worship Praise. Ngithanda indlela umfundisi uBenjamin Dube ahlabela ngayo, yikho okungenza lami ngibe lentshukuntshu yokusebenza gadalala kwezomculo ukuze ngifike kuzinga akilo.

TD: Abantu bayawuthakazelela yini umculo wakho?

MK: Abantu bayawuthakazelela umculo wami ngoba sengizithola nginxuswa endaweni ezinengi ukuzothokozisa abantu ngomculo wami ezifana lasemitshadweni, imibuthano yamabandla, izimfa lakumakhonsathi.

TD: Njengomuntu oseleminyaka emine endimeni le misebenzi bani osuke wayikhipha njalo usebenzisana labobani?

MK: Okwakhathesi ngile-single ethi “How excellent”, idlalade lami elizabe lilezingoma eziyisikhombisa ngisalihlanganisa eJP Studios njalo lizaphuma ngenyanga kaMabasa.

TD: Abalaleli labalandeli bakho ubathembisani kudlalade lakho?

MK: Abalandeli bami ngibathembisa idlalade elimnandi okwamagama. Ingoma zonke kanye lamachacho aqoqwe kuhle kakhulu ukuze ivangeli lifinyelele ebantwini bonke ukuze basindiswe njalo baqine ekukholweni.

TD: Bunzima bani oyake uhlangane labo njalo labo abafuna ukungena endimeni efana leyakho nkuthazo bani ongabapha yona?

MK: Ubunzima engihlangane labo yikuthi singabahlabeleli bakoBulawayo asiphathisani kwezomculo kanye lendaba zemali zokuthi siqhubeke sihlabela.

Abafuna ukungena endimeni le ngithi kibo kufanele baqinisele basebenze gadalala ukwenzela ukuthi uMdali owasipha amaphimbo amnandi abaphe umbono kanye lamandla okuqhuba umculo baze baphumelele.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds