uMthunywa
KULOMFUNDI obengu Grade 12 eTsosoloso Secondary School eEbony Park eMidrand, eSouth Africa, ogwazwe ngumngane wakhe esifubeni ngesigelo wafa bebanga intombi.
USongezo Mabindla, oleminyaka engu-20 ufele phambili kwewofisi yababalisi, ngakho ke abangane bakhe abangathandanga ukuqanjwa ngamabizo bethule ukuthi ingxabano mayelana lentombazana kaSongezo iqale besasezifundweni.
“Kazange athande indlela umngane wakhe aphathe ngayo inkazana yakhe,” kutsho omunye umfundi.
“Senelisile ukubalamula kodwa bathe sebephandle baqala njalo ukulwa.”
Kuzwakale ukuthi uThabang Maile oleminyaka engu-20, obengumngane wabo bonke uthe bobabili uthe uzamile ukubalamula waze wagwazwa laye esandleni.
“Umbalisi uzamile ukubehlukanisa kodwa ubesephuzile. Ngibone igazi lintshaza esifubeni sikaSongezo waseqaleka. Ufele ehofisini kusalindelwe i-ambulensi,” kutsho uThabang.
Ebuzwa emsakazweni ngalesisehlakalo uMkhulu wezemfundo eGauteng uPanyani Lesufi uthe ulokudana okukhulu ngokwanda kodlame ezikolo.
Kubikwa uMphathihofisi yeWarrant uNelda Sekgobela wethule ukuthi lelicala lokubulala lethulwe enkambeni yamapholisa ethiwa yiIvory Park.
Umamangalelwa uzathonisiswa emthethwandaba weTembisa kuviki ezayo. — Ubulembu
