Uncategorized

Umfundi ole-12 ugwaze wabulala ababili

12 Nov, 2015 - 17:11 0 Views
Umfundi ole-12 ugwaze wabulala ababili

uMthunywa

USALE utshaqekile umphakathi weSizweni, eNewcastle eSouth Africa emuva kokuba umfundi oleminyaka engu-12 ejuqe ngengqamu abanye ababili abaleminyaka engu-15, ekilasini esikolo abafunda kuso, batshonela khonalapho, ngoMvulo kuyonale iviki.

Kulesisehlakalo kutshone uSkhumbuzo Maseko loZakhele Nyembe abakade befunda lomsolwa uGiredi 7 eVulindlela Primary.

Laba bafundi kuthiwa bebeye esikolo ukuyabhala imihloliso yokuphela komnyaka.

Kuthiwa lesi sehlakalo senzakale ngezikhathi zabo 10 ngoMvulo  ekuseni ekilasini.

Okhulumela amapholisa eKwaZulu-Natal uMajor Thulani Zwane, uthe umbiko wamapholisa ukhomba ukuthi laba bafundi babe lengxabano ekilasini, kwasuka umsindo balwa.

“Lumfundi oleminyaka engu-12 kusolwa ukuthi usuke waya ekhaya elanda ingqamu, wabuyela esikolo lapho agwaze khona laba abanye abafundi ababili abaleminyaka engu-15, batshona,” kuchaza uZwane.

Kuthiwa kubizwe amapholisa endawo abe esethatha umsolwa.

Ingqamu esetshenziswe kulesi sehlakalo itholakale endaweni yesehlakalo ilegazi. UZwane uthe kuphenywa amacala amabili okubulala.

Ubabakazi kaSkhumbuzo, uNkosazana Nompumelelo Maseko uthe labo abakazi ukuthi kwenzakaleni, basalinde ingcazelo.

“Okusixakayo yikuthi lo omunye umfundi kuthiwa ubonakele emuva kokuthi belwile ephuma ngesango esikolo ephethe iyembe yesikolo ngesandla.

“Okusixakayo yikuthi baze balwa kodwa kungekho thitsha ozwayo ngalokhu ngitsho lezingane azisatshongo lutho, waze wabuya wabagwaza,” kubuza uNkszn Maseko.

Uthe laba abatshonileyo babafice besekilasini.

“Sifuna ukwazi ukuthi othitsha labonogada bebengaphi kuze kwenzakale konke lokhu,” kutsho uNkszn Maseko.

Kwenzekala lesi sehlakalo , ngoLwesithathu kubulawe umfundi esikolo seNhlamvana High, Esikhaleni, eMpangeni.

UMnumzana Lungisani Ngema (20) yena ugwazwe esangweni lesikolo.

Kuthiwa uxabane lomunye umfundi ngezikhathi zabo-1 emini. Lo omunye umfundi wabe esekhipha ingqamu wamgwaza esifubeni.

Kwesinye njalo isehlakalo esenzakale ngoLwesibili KwaMaphumulo, kulimale abafundi abathathu emuva kwengxabano ephethe ngokuthi bagwazane eKukhanyakwezwe High.

UZwane uthe abafundi abathathu bagwazwe emuva kwengxabano, bagijinyiselwa esibhedlela. Omunye umfundi oleminyaka engu-19 ubotshelwe icala lokutshaya ngenhloso yokulimaza kanti uzavela maduze enkantolo.

Okhulumela umnyango wezeMfundo eKwaZulu-Natal uMnu Sicelo Khuzwayo uthe uNgqongqoshe wezeMfundo uNkk Peggy Nkonyeni utshaqekile ngalezi zindaba.

“UNgqongqoshe ufisa ukudlulisa amazwi endunduzo emidenini yabafundi kodwa ukhathazekile kakhulu ngokwanda kwezigameko zokubulalana kwabafundi emagcekeni esikole,” kusho uKhuzwayo.

Uthe unxusa abazali nomphakathi ukuthi kubanjiswane izingane zinqandwe ekuphatheni izikhali ezikoleni ngoba zonke izigameko zokulimazana kwabafundi zithinta izikhali. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds