Umculi wakuleli kuMzansi Bioskop

19 Apr, 2018 - 00:04 0 Views
Umculi wakuleli kuMzansi Bioskop uMaestro

uMthunywa

Thando Dube
UMSEBENZI omuhle uyabhadala eqinisweni nanko phela kulomculi weZimbabwe ovela eSilalatshani eFilabusi oselingisa kumidlalo ephuma kumabonakude weMzansi Bioskop.

Umculi lo, uKwanele Ncube owaziwa ngokuthi Maestro ohlabela iRnB njalo ongumkhokheli wenkampani iMaestro Best Creation Production (MBC) uphinda abe njalo nguphurojusa weminye yemidlalo ekhitshwa kusititshi seMzansi Bioskop (163) seNingizimu Africa.

UMthunywa ukhulumisane loMaestro othe uyajabula ngokukhula asekwenzile kwezemidlalo lokuphumelela kwenkampani yakhe ngoba sezithola esebenza lamankampani kamabonakude amakhulu.

“Inhlanganiso yethu sayisungula ngo-2010 kuze kube lamuhla sesikhulile kakhulu, emnyakeni odluleyo inkampani izithole isebenzisana leMzansi Bioskop lapho ebesipheka khona umdlalo kamabonakude obubizwa Unstoppable owawulama-episodes ayisikhombisa.

“Ngothando abantu ababa lalo ngomdlalo lo, inkampani yakhetha ukuthi sipheke umdlalo lo sisiya phambili, khathesi ngiseZimbabwe ngomsebenzi engiwuqhubayo leMzansi Bioskop ukuzothwebula amanye ama-episodes akhona kuleli,” kutsho uMaestro.

Uqhubekele phambili waveza ukuthi ukusebenzisana leMzansi Bioskop akuphelelanga ekuthwebuleni umdlalo owodwa kodwa kusaqhubeka kusiya phambili.

“Ukusebenzisana leMzansi Bioskop ngumsebenzi olokhu uqhubekela phambili, khathesi sisapheka umdlalo u-Unstoppable siphinde sithwebule ibhayisikopo ezabizwa No non stop.

“Ngaphandle kokusebenzisana leMzansi Bioskop ngisebenzisana loMadlela Sikhobokhobo ekuthwebuleni umdalalo wakhe uMadlela Part 4. Kumdlalo kaMadlela ngizadlala indawo kamfana kaGallon,” kuveza uMaestro.

Ngaphandle kokuba ngumlingisi uMaestro usebenza ukuqoqa imicimbi yabahlabeleli njalo ngenyanga ezayo inkampani yakhe izaletha uCassper Nyovest, Okmalumkoolkat loMadando abaculi abadume kweleSouth Africa edolobheni leVictoria Falls.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds