Umcimbi wokubhukutsha eCity Pool

Umcimbi wokubhukutsha eCity Pool

0 62

YiNtatheli kaMthunywa
AMAQEMBU omdlalo wokubhukutsha edolobheni lakoBulawayo asekhuthazwe ukuthi aze ngobunengi bawo kumqhudelwano omkhulu owe-Matabeleland Amateur Swimming Board (MASB) ozaqhutshelwa enkundleni yesiziba seBulawayo City Pool kusekela ngoLwesine ntambama.

Inhlanganiso yeMASB ibika ukuba ikhangelele ukuthi iqoqe umncintiswano ozakwenza kubelula ukuthi bakhethe iqula lababhukutshi abazaphatheka kumidlalo edibanisa intshantshu zezabelo zelizwe ekuqaleni kukaZibandlela ngo-2019. Kumaqembu aseveze ukuthi azancintisa kule-Zambezi Tigers, Barracudas, Falcon, Crusaders, School of Swimming, Petra Academy, Stingrays, Dolphins lePenguins.

Amaqula la azancintisa kuzigaba ezitshiyeneyo njalo kuzehlukaniswa imincintiswano ngeminyaka yokuzalwa kwabadlali.

Ekhuluma lephephendaba likazulu uNokuthula Cyprianos usibalukhulu wenhlanganiso yeMASB uthe lonyaka umcimbi wakoBulawayo uzahlabusa ngoba abadlali abazabhukutsha kuhle bazaphiwa imivuzo engcono, okuyikho okuzaphakamisa isisindo somncintiswano.

“Imivuzo izaphiwa abanqobi ngoba sihlose ukuthi ababhukutshi abazancintisa bazitshengisele bekhangelele ukubongwa. Lokhu kuzenza ukuthi sikhethe ithalenta esilibona lifanele ukuthi liyencintisana lentshantshu kumncintiswano wezabelo eHarare,” kutsho uCyprianos.

Usibalukhulu lo uthe umncintiswano weMASB oqhutshwa minyaka yonke wandise ukuba yinkundla yokuvumbulula njalo ithalenta kulabo abasacathula kumdlalo wokubhukutsha.

“Njengoba ngomnyaka odluleyo saqeda sikunombolo yesibili kumncintiswano welizwe, lonyaka kumele sinqobe.”

“Ngaphandle kokudinga abadlali bohlonzi abazamela iMASB, silomlandu esingeke sawubalekela, owokukhangelisisa ukukhula komdlalo wethu, ikakhulu kuthalenta elitsha. Umdlalo ukhula ngoba kulabasakhulayo abalentshukuntshu yokubhukutsha.

Kumbuthano wezabelo ngomnyaka odluleyo, iBulawayo yancintisa isekhaya yaqeda ikunombolo yesibili ithole imiklomelo eyi-2 074. Isabelo seMashonaland, esigcwele amaqembu aseHarare, sathola inkezo yentshantshu ngemiklomelo eyi-2 957.Amaqembu adlalela iMashonaland Country District yaqeda ingeyesithathu ithwele imklomelo eyi-190.

Kusenjalo, umdlalo wokubhukutsha uyakhula koBulawayo kulandela ukuvuselelwa kwenkundla zeLuveve leMpopoma. Inkundla lezi ngezekhansili yedolobho.

SIMILAR ARTICLES

0 73

NO COMMENTS

Leave a Reply