UMCIMBI WABANTU KU-BOSSO

16 Aug, 2018 - 00:08 0 Views
UMCIMBI WABANTU KU-BOSSO

uMthunywa

Intatheli kaMthunywa
UKENNETH Mhlophe ukholelwa ukuthi iHighlanders izaphakama ibeliqembu elilabalandeli abanengi ukwedlula wonke amaqembu kuligi yeCastle Lager.

Umgcinisihlalo weBosso lo ukhulume ezitshaya isifuba ngokuzimisela kwabasekeli baleliqembu abalilandela nxa lidlala enkundleni zamanye amathimu. Kulimpelaviki iBosso ikhangelane leNichrut enkundleni yeAscot edolobheni leGweru.

Ekhuluma lephephandaba likazulu, uMhlophe uthe ihofisi yakhe ikhuthaza abasekeli boqobo labathandi bethimu ukuthi bengadeli ukuyilandela.

Sekuyihlalayenza ukuba kube labalandeli abasekela iqembu kuzo zonke inkundla ezingaphandle kwakoBulawayo. Lokhe kwaqala lumkhankaso, iqula elilandela iBosso libizwa ngokuthi yiTeam Away.

“Senginanzelele ukuba nxa abalandeli bethu begcwalisa inkundla zamanye amaqembu nxa sidlala ngaphandle kwekhaya lethu, iqembu liyanqoba. Inkuthazo yethu yikuthi asiqhubekeleni phambili sisekela abafana bethu ngoba usekelo lolu yilo olwenza babeledlabuzane lokuhlohla ukunqoba. Sikhumbule njalo ukuba insika yikuncintisa kwethu yikuthi sinqobe,” kutsho uMhlophe ngoLwesibili.

“I-Highlanders yaziwa njengethimu yezwe lonke, akuqhubeke kunjalo. Ngilokukholwa ukuthi nxa umkhankaso weTeam Away ungaqhutshwa kuhle, iBosso izakuba labalandeli ukwedlula wonke amaqembu.”

Umdlalo phakathi kwamaqembu uvula iviki lamatshumi amabili lambili yemidlalo yesizini, okutsho ukuba iNichrut kuzamele ikhweze amasokisi nxa ihlose ukunqoba iBosso. Isimo selogu siveza ukuba iqembu lakoNtuthu likunombolo yesihlanu liphethe imiklomelo engamatshumi amathathu lanhlanu.

INichrut, esachinsa ukudlala kuligi ephakemeyo ingabe isidlalela ukuvalelisa kuligi ngoba ihlezi engozini kunombolo yetshumi lanhlanu.

Iphephandaba likazulu lithole ukuba inengi labasekeli abangaphansi kweTeam Away likhetha ukuthi libukele imidlalo yaphandle kuphela. Kubikwa njalo ukuthi iTeam Away le isilequla lenkonkeli.

Isikhulumi seTeam Away, uLloyd Siyanda Sibanda uthumele umbiko wokuthi sebehlele konke ukuthi balubhekise enkabazwe.

“Isiphendukile ngesivuvu futhi iTeam Away. Thina siliqula labasekeli beHighlanders elizimisele ukuthi lilandele yonke imidlalo yangaphandle kwekhaya. Wonke umuntu ukhululekile ukuphatheka kuhambo lwethu. Ukuze uzibone usebunandini bomthimba, ungenelisa ukubhadala i$10 kumakhalekhukwini nge-Eco Cash ku-0777719190 kumbe ku0775407313.”

Imidlalo yeCastle Lager kulimpelaviki:
NgoMgqibelo: Nichrut v Highlanders ( Ascot), Chicken Inn v Ngezi Platinum (Luveve), Herentals v Caps United ( Rufaro), FC Platinum v Chapungu (Mandava), Black Rhinos v Bulawayo City (National Sports Stadium)

NgeSonto: Bulawayo Chiefs v Harare City (Luveve), Mutare City Rovers v Shabanie Mine (Vengere), Dynamos v ZPC Kariba (Rufaro), Triangle United v Yadah (Gibbo)

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds