Uncategorized

Ukuhluzwa kogwalo: Umzila kawulandelwa: B D Ndlovu

29 Nov, 2018 - 00:11 0 Views

uMthunywa

SILOKHU siqhubeka lodaba lwethu lukaMzila lapho esethuthelwe ngaphandle komuzi, ngemva kokukhutshwa esiphaleni. Sinanzelela ukuthi uNgwenya kazange abe laso isibindi sokumela ukutukluzwa ngamasotsha okwamenza waze wacina eyichaza indaba yokuthi umuntu odingwayo wayesesiphaleni.

Wayengabuzanga elangeni-ke ngaleyo mini okaNgwenya ngoba esiphaleni bathola nje kukhala ibhungayezi, isikhali nje yiso esasisele lapha, sikhumbula nje ukuthi ngesikhathi uMaZondo ayefisa ngaso ukuyathatha isikhali wayesephuzile ngoba wavele wabona sekumhlophe egumeni lapha amasotsha esitha esegcwele iguma lonke.

Kwahle kwabanzima-ke lapho ngoba ubufakazi babuvele sebusegcekeni.Kwabanzima ngalelo langa.

Pho okaNgwenya wayezayifakaza ayithini indaba enjalo, isotsha thile lavele nje lamlahla phansi ngesidindi sombhobho woma qha phansi lapha.

Kwathi nje ngemva kwemizuzu ethile wavuka ephaphatheka,wabaleka eqonda ethangweni ngokuphazima kwelihlo sakhala sabubula isikhali sesitha samlahla phansi.

Konke lokhu kusenzakala abantwana babekhangele ngamehlo.Kwabanzimela bethuka labo ngento ababengayikhangelelanga basuka basibathela bagijima bagcwala indawo yonke sebephambene amakhanda.

Uhlamvu lwakhala lwabubula kwabasobala kuMzila ukuthi uhlamvu lolu lwaselukhala enyameni kungasadlalwa. Wabuya wezwa sekukhala umbhobho ngemva kwesibaya wabona kuchitheka bonke ababelinde isidumbu sikaNgwenya kwasala nje ababili kuphela.

Wananzelela ukuthi egumeni lapha kwasekusele uMaZondo elele ngesisu phansi, laye wathi esizwa ukukhala kombhobho wavusa ikhanda ethalaza indawo yonke laye esengowethukileyo.

Dukuduku nje wakubona okungelamkhosi ngalelo langa wathi ethi mehlo suka wabona intombazana eyababona ngelanga esiyafihlwa esihlahleni, ibanjwe ngamasotsha isandla sibomvu gebhu sidlavazekile, ilenga kwakusobala nje kibo bonke ukuthi lintombazana le yayisiza lolukhulu. Isotsha eliloboya lezwakala libuza ngelizwi eliphezulu ukuthi isigebengu sasifihlwe ngaphi.

Intombazana yezwakala ngelizwi elivevezelayo ichaza lapho ayebone khona unina esiyamfihla khona phakathi kwezihlahla. Ngaleso sikhathi amasotsha abonakala eqapha ngelihlo lokhozi ekhangela indawana yonke.

UMzila wazisola kakhulu ngokuhlala engela mbhobho kukanti laye wayezakufa ezendlalele njengeqhawe.

Kwakubuhlungu-ke ukuthi wayesezakufa kabuhlungu kanje isitha simnephuza, wazizwa evutha umoya otshisayo ngaphakathi egcwalelana okwamagama.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds