Ukuhluzwa kogwalo: Umzila kawulandelwa

13 Dec, 2018 - 00:12 0 Views

uMthunywa

Olwalotshwa ngu B D Ndlovu

SIQHUBEKA lendaba yethu lapho esinanzelela khona uMzila esesibhedlela, wayekhathazwa yindawo ayekiyo.

Kukhona njalo umongikazi owayefike lapha esibhedlela okunguye njalo owayemhlabe ngejekiseni leli elithundubeza umzimba.

Kukhona okwakungamphathi kuhle ngobuso lobu loba nje kwakungalulanga emqondweni wakhe ukuthi abambisise ukuthi kwakungubani umuntu lo, nangu lapho ethi uyamkhangelisisa yena wayevele nje awise amehlo kusobala ukuthi wayengafuni bahlanganise amehlo.

Umongikazi lo kazange ahlale lapha okwesikhathi, waphuma. Elokhu esazidla ngemicabango wangena njalo esehamba lomunye umongikazi owayegqoke eziluhlaza owayephethe umganu wokudla. Ipholisa eliyilo elalimlindile lathi libona ukudla kulethwa lakhupha umxhaka wamakhiye esambeni yasondela kuye lamkhulula izandla. Yezwakala ngelizwi elihayizayo isithi igandanga lelo kwakungamelanga liphiwe ukudla okuhle njengoba nje lalivele liyikudla kwamanqe.

Lawomazwi amhlaba ngaphakathi okuzwayo esezizwela ngezakhe nje ukuthi wayefuyiwe lapha eyikudla kwamanqe.

Umongikazi lo watshengisa ukudana okukhulu. Wazama ukumcebisa ngelipholileyo ukuthi bona njengabezempilo okwabo kwakuyikondla umzimba olimeleyo ukuze uhlume bengelanhloso yokubulala lowo mzimba. Waphiwa lokho kudla wezwa umzimba wakhe uqina laye esiba yindoda.

Wayesalawo amandla njalo lokubona kwakhe okwakungathi kulenkungu wakuzwa sekusibangcono.

Umongikazi lo wayengaphumanga engqondweni yakhe, wayethi nxa embona azizwe etshaywa luvalo oluncinyane, pho ngabe kuyini okwakukhona ngaye?

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds