Ukuhlaziya uGwalo: Impi YabomDabu Isethunjini

24 Mar, 2015 - 16:03 0 Views

uMthunywa

UJohn Mbabhadisi Ngubane ulokhe ekomalumakhe uCele lowo owacina emkhakhabisa emxotsha emzini wakhe eMlazi. UNgubane ukhakhabisa umalumakhe ngoba eze ukuzamcela emncenga ukuthi agcine abantwana bakaLinono. Abantwana labo asikhumbuleni bafundi ukuthi ngoHlanganisani lo Uzithelile.

UJohn Ngubane wayetshiye umuzi wakhe wadliwa ngumswenya wayahlala labomasihlalisane wakhohlwa bonke abangane kanye lemuli yakhe.

Kakwazi ukuthi ingane yakhe kayisasebenzisi ibizo elithi Melody kodwa usebizwa ngelikaVuk’uzithathe. Kakwazi lokuthi ingane yakhe uMelody ilengane ezingaki.

UCele uyamqondisa uMbabhadisi ukuthi yena kamazi uMelody. Uthi yena wazi uVuk’uzithathe olezingane ezimbili manje sezingezikaHlanganisani ngokwesiZulu sakwabo.

Nxa uNgubane etshela uCele ukuthi abangane bakhe abazake bamtshele ngezingane zikaVuk’uzithathe uCele umtshela ukuthi kalabangane.

Abangane bakhe wababalekela wazikhohlisa ngokuthi izimbungulu zabantu ngabangani. Abatobozi abalekela kubo kabalabungane beqiniso.

Wathi yibo abangani lezihlobo zakhe, yikho nje emtshela iqiniso. Iqiniso yikuthi uVuk’uzithathe ulezingane ezimbili.

UNgubane uthi uVuk’uzithathe wathola izingane ezimbili njengoLinono wazozitshiya lapho ekhaya. UCele uthi hatshi njengoLinno kodwa njengamantombazane angelulekwa asekwe ngabakwabo.

Uthi uVuk’uzithathe akazitshinganga lezo zingane, wazisa lapho Ubuntu babo buthi kaziye khona. Uthi kuNgubane Ubuntu babo kabuzange butshinge izingane selokhu kwathi nhlo ngoba babekhona abazali ababeqoqa izingane zamantombazane.

UCele uyaphambili etshela uNgubane ukuthi lobu lungu babo bafika lokutshinga izingane okunamuhla zitshingwa emgqonyeni kadoti, zilahlwa ezihluthu, ziphoselwe emathoyilethi. Wathi uHlanganisani loMabuthelezi abasimgqomo wedoti, kodwa ngabazali bezingane zikaVuk’uzithathe.

U-Uzithelile wathi uVuk’uzithathe kazise eMpaphala izingane ukuze zikhule kuhle zilobuntu, lokuze yena uVuk’uzithathe enelise ukuya kubo phetsheya ngoba babefuna ukumsiza ukuba aqhubeke ngesikolo.

Kuyammangalisa lokho uNgubane ukuzwa umalumakhe esithi o-Uzithelile balanda uVuk’uzithathe ukuthi aye eMelika base bethatha izingane zakhe lanxa yena wala ukubathatha o-Uzithelile besebancane.

UCele uphendula uNgubane ngokuthi oHlanganisani bazithatha izingane zikaVuk’uzithathe ngoba bona bayakholwa, kabahleli.

Konke abakwenzayo bakwenza ngokukholwa, hatshi ngokuhlela. Yena uNgubane kazithathanga izingane lezo ngoba wayehlela, ehlela njengalezi zinkunkuma abadlala lazo imidlalo kaphambana le-Zwi.

UCele uyaphambili etshela uNgubane ukuthi imbunde yabo yokuhlela kayakhelwe phezu kweZwi. Umcuphela ilizwi kuHubo 127. Sizaqhubeka sivula lelolizwi kuviki ezimbili ezilandelayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds