Ukhiphe elitshisayo uMsizKay

17 May, 2018 - 00:05 0 Views
Ukhiphe elitshisayo uMsizKay UMsizKay

uMthunywa

Vusumusi Ndlovu
Umhlabeleli: MsizKay
Idlalade: Bazovuma

BAZAVUMA ngempela ngemva kokulalela idlalade likaSizalobuhle Nkomo, odume ngelokuthi uMsizKay ukuthi ungumculi wohlonzi oluphezulu. Ijaha leli lithanda umculo walo ngendlela emangalisayo njalo lilobucwephetshe obezinga eliphezulu kwezokupheka umculo othandwa yintsha owe hip-hop. Umculo kaMsizKay udibanisa ezomdabuko wakithi lezakulezinsuku njalo uhlabela ngokufanayo ehlanganisa ulimi lwesintu lolwesilungu.

Idlalade lakhe ligoqela izinto ahlangana lazo njengomuntu omutsha enkundleni yomculo. Kokunye njalo usebenzisa imfundiso lenkuthazo ayithola kumphakathi, abe eseyihlanganisa ngokuhlakanipha kwakhe ma esekuchaza kamnandi ngengoma. Akeni silunguze okumunyethweyo kulidlalade elilengoma ezilitshumi lasitshiyangalombili.

Uqala ngesingeniso, iIntro, abesevalelisa umama wakhe kulingoma ethi Ngizobuya. Uthembisa ukuba uzagcina isithembiso sokumenzela kuhle uma uhambo lwakhe lomculo soluphemelele. UMsizKay ususwa yinhlupho ahlangana lazo ekhula, ngakho uphuma esiyanakana icebo ngalokhu enelisa ukukwenza ngobunono obukhulu lokhu kungumculo.

Kungoma uKudala Kwami, ukhuluma ngabantu abaphila ngodumo isiphetho kube yikuthathwa yilolodumo bengela lutho lokubonisa lolo hambo abalubabazayo. Isihloko sedlalade uBazovuma ukhuluma ngokuthi lesi yisikhathi sakhe njalo akula okuzamvimba. Uthi yena ngedlalade leli bazovuma kuphela, ubeka ithemba lakhe kuNkulunkulu, phambili komphakathi la wonke umuntu olensolo loba olenzondo laye.Kungoma ethi uBulawayo uchaza uthando lwakhe lwesigodlo sikaMthwakazi, njalo echaza nje amalokitshi owathola koBulawayo.

Uyancoma ebuka intombi zakoBulawayo, ekhomba indawo zokuzithokozisa lemidlalo oyithola koNthuthu. Uqhubeka njalo ehamba ngengxoxo yakhe kuWalk with Me, ecela ukukhanyiselwa lokuvulelwa amasango kuloluhambo akulo. Lapha njalo ukhuluma lobaba wakhe, emazisa ukuba yena lapho akhona uphilile, loba bengasakhulumanga ekumtshiyeni kwakhe emhlabeni.

Uyathinta njalo ngezothando kuInkomo Zamalobolo ebika uthando lwakhe kuntombi yakhe uNomalanga labakibo, embabaza phansi laphezulu kuzonke indawo lakumbiko yakulezinsuku oWhatsApp. Uyatsho njalo ukuba ufuna ukwenza into eqondileyo, ethembisa ukuba ziyeza inkomo zamalobolo loba engelazo, efuqwa yimizwa lesifiso sokufeza lesosifungo.

Ezinye ingoma ezikhona zigoqela uNgiyabheja, Imali, Khaya Lami, Kuyalunga, Willing to Fight loInkulungwane. Idlalade lakhe ngamafitshane likhuluma ngothando, ithemba lokuphumelela, njalo ebonisa ubuciko bakhe kulumculo wabatsha wehip-hop (Vernac). Simfisela inhlanhla kuhambo lwakhe ledlalade lakhe, lona eseliqalisile ukudlalwa emisakazweni yonke jikelele koBulawayo, lelizwe lonke leZimbabwe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds