UKaindu ulinde iNgezi Platinum

03 Aug, 2017 - 02:08 0 Views
UKaindu ulinde iNgezi Platinum UKelvin Kaindu

uMthunywa

Nkosilathi Sibanda
NGOMGQIBELO wonke amaqembu akuligi yeCastle Lager azafisela iqembu leHow Mine inhlanhla ngoba kukhangelelwe ukuthi linqobe eleNgezi Platinum enkundleni yeLuveve.

Izethekeli zilugxoba koBulawayo ziqaphise imisila ngoba sezikhokhele ilogu kungelaqembu elibangisayo. Ngendlela iNgezi Platinum echumisa ngayo amanye amathimu, kungaba yiyo ethatha inkezo efunwa yiwo wonke.

Ukunqoba kweHow Mine kulakho ukubuyisa ukuzethemba kumaqembu angakahlangani lenkokheli zelogu lezi.

Umqeqetshi weHow Mine uKelvin Kaindu ungumqeqetshi oyaziwa ngokuhlala efuna ukuba ngowokuqala ukwenza ulutho, ikakhulu ukunqoba amaqembu asehluphile.

Mhla womdlalo, kuzabonakala ukuthi udumo lwakhe lokunqoba enkundleni yeLuveve lungaphumelela na.

Ekuqaleni kwesizini iChikurupati ibibalelwa kumaqembu aqalise isizini kakuhle.

UKaindu uselolonge iHow Mine yadlala inguqu elobungcitshi ekhwabithisa lezitha zayo.

Ukudonsa kakuhle kwabadlali bakaKaindu mhlawumbe kuvela ekuthini umqeqetshi lo wakubika ngesizini edluleyo ukuthi lonyaka kuzadabuka amabhulugwe amadoda kulithimu.

Kweminye imidlalo koBulawayo, iBulawayo City inxuse iShabanie eBarbourfields. Lasemdlalweni lo akula ukuphupha iqembu elinganqoba ngenxa yokuthi zonke ziqinile.

Imbali yamaqembu la iveza ukuthi kuhlandla lakuqala lesizini, iBulawayo City yakhanya ingcono kulezimbamgodi, okutsho ukuba ingathatha imiklomelo yonke isekhaya ngoMgqibelo.

EzikaMagebhula, iHighlanders ziphenduka eMagumeni zihlasela iHarare City esiqeqetshwa nguPhilani “Beefy” Ncube.

Abafana baka-Erol Akbay bavela tshaya iShabanie 2-0.

Imidlalo yeCastle Lager kulimpelaviki:

NgoMgqibelo: Bulawayo City v Shabanie (Barboufields), Yadah v Tsholotsho (Morris Depot), How Mine v Ngezi Platinum (Luveve), FC Platinum v Chicken Inn (Mandava), Black Rhinos v Dynamos (Rufaro).

NgeSonto: Highlanders v Harare City (Barbourfields), CAPS United v ZPC Kariba (National Sports Stadium), Hwange v Chapungu (Colliery), Triangle v Bantu Rovers (Gibbo).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds