Uncategorized

Ujezisa abafundi ‘ngokubawatshisa impahla zakhe’

20 Sep, 2018 - 00:09 0 Views
Ujezisa abafundi ‘ngokubawatshisa impahla zakhe’

uMthunywa

SEBEPHENDUKE ihlaya esikolo abafundi abakuGrade 11 eLuphaphe High, koXimba, eCato Ridge kwele South Africa okusolwa umphathisikolo wabo ngokubajezisa ngokubawatshisa izigqoko zakhe zokugqoka.

Leli qeqebane labafundi osekuputshuke i-video yabo bewatsha impahla emagcekeni esikolo, okusolwa ukuthi ngezikathitshomkhulu, uNkosikazi Ngenisile Mbeje.

Kuthiwa uNkkz Mbeje ucasulwe yikuthi ubafice begcaluza ngaphandle ngesikhathi abanye befunda.

Ngokutsho komthombo, uNkkz Mbeje ubabhokele ngolaka kodwa wabatshela ukuthi abakhululeke ngoba ngeke abatshaye, uzabajezisa ngenye indlela.

Kuthiwa uphuthume emzini wakhe oseduze lesikole, wabuya lebhasikiti egcwele impahla, wathi kabaziwatshe.

Kule video bayabonakala bematasa bewatsha, abanye beme eceleni, kubukeka engathi basalinde ithuba labo lokuthi bawatshe.

Kuzwakala omunye umfundi okusolwa ukuthi nguye obaqophile, ebahleka.

Uzwakala ethi: “Hhayi bo guys liyawasha? Belisemnyango labanjwa umemu Mbeje, wahamba wayolanda iwashingi? Hhayi bo guys lijeziswa ngewashingi?” kubuza lo mfundi ephela yinsini.

Kuyo le video kubonakala omunye umfundi ephakamisa esinye sezikipa aziwatshayo, ezibukeka kuzimpahla zomuntu wesifazane.

Omunye wabafundi abawatshayo uzwakala ekhuza omunye oseceleni ukuthi akayeke ukuhleka, akazowatsha laye.

Ethintwa umphathisikolo uNkkz Mbeje uthe, akalalo ulwazi lwale-video, yize kuyona kukhulunywa igama lakhe.

“Abafundi bethu babhala imihloliso kaMpandula. Bebezobe beyofunani phandle? Angazani lale nto, umuntu othumele i-video nguye ongalichazela kabanzi ngoba kuyacaca ulentshisekelo,” kutsho uNkkz Mbeje.

Okhulumela uMnyango wezeMfundo eKwaZulu-Natal uMnumzana Muzi Mahlambi uthe nxa bethola ukuthi lezi zinsolo ziliqiniso, ngeke bananaze ukumthathelo izinyathelo uthitshomkhulu.

“Zikhona izindlela ezibekiweyo zokujezisa izingane ngaphandle kokuzitshaya, lokuzikhipha ekilasini ngesikhathi sesikolo. Akuvumelekile ukuzijezisa ngomsebenzi ofana lalo,” kutsho uMahlambi.-Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds