Uncategorized

UHulumende uvuselela amadolobho

18 Jan, 2018 - 00:01 0 Views
UHulumende uvuselela amadolobho UKhomuredi Angeline Masuku

uMthunywa

YiNtatheli kaMthunywa
UHULUMENDE useveze ukuthi kusehlelweni lwakhe ukuvuselela amadolobho akuleli nanko phela uselamaqhinga okwenza lokhu kuhlelo lwakhe.

UMinister of State for Provincial Affairs kusabelo sakoBulawayo uKhomuredi Angeline Masuku ubikele intatheli ngoLwesihlanu eMhlahlandlela ukuthi uMongameli welizwe uKhomuredi Emmerson Mnangagwa uselamaqhinga amanengi angawasebenzsa ukuvuselela amadolobho akuleli.

Uqhubekele phambili wathi ukufa komnotho weZimbabwe kwabakhona ngesikhathi kubusa uKhomuredi Robert Mugabe owenza ukuthi amanye amazwe angasebenzelani lelizwe lethu.

“UMongameli welizwe uKhmrd Mnangagwa uthi yena iZimbabwe kumele ibe phezulu njalo usebenza gadalala ekhangela ukuthi amadolobho akuleli kumele enziwe njani ukuze abuyele esimeni sawo esidala.

“IZimbabwe yaphela amandla kwezomnotho ngesikhathi kubusa uMugabe ngokwehluleka kwakhe ukusebenzisana lamanye amazwe ukuthi asebenzisane leZimbabwe beqinisa umnotho wethu. Konke lokhu sekumele kuye ekucineni ngoba uMongameli selamaqhinga amanengi kakhulu azakwenza ukuthi iZimbabwe ibuyele esimweni sayo esidala njalo.

“Okunye njalo uMongameli uMnangagwa usekhulumisane lezinye izizwe ukuthi zisebenzisane leZimbabwe ukuze iqine njalo emnothweni okuzakwenza ukuthi kuvuselelwe amadolobho alapha njalo kuvulwe lamankampani avalwayo okuzakwenza ukuthi kube lemisebenzi ezaphathisa abantu bakuleli ukuze benelise ukuziphilisa,” kutsho uKhmrd Masuku.

Uphinde wagcizelela wathi iZimbabwe lilizwe elilamabhizimisi enhle kakhulu okufunakalayo yikuthi lisebenzisane lamanye amazwe kuhle kuphela.

“IZimbabwe yindawo elemali ngoba inothile, silamatshe aligugu angekhoyo kwamanye amazwe okutsho ukuthi singasebenza nzima lamanye amazwe ayabuya azothenga kithi angenise imali yaphandle engasiphathisa ekuvuseleleni amadolobho akuleli,” kutsho uKhmrd Masuku.

Uqhubekele phambili wakhuthaza izakhamizi zakoBulawayo ukuthi zisukume lazo zingene kumabhizimisi ukwenzela ukuthi idolobho lingasali emuva amanye esiyaphambili.

“Idolobho lakoBulawayo lalo lifuna ukuvuselelwa ngoba manengi kakhulu amankampani okumele avulwe asavalwayo.

“Ukuze lokhu kwenzakale kumele izakhamizi zalapha zibone ukuthi ziyathathela ibhizimusi phambili ngoba yizo ezingavuselela idolobho leli libe yindawo yamafekithali amakhulu njengakudala,” kuphetha uKhmrd Masuku.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds