uMthunywa
Izindlela okusetshenziswa ngazo ubumnini
Lamuhla siqala kundlela yesine:
4. Singasebenzisa ubumnini ukuchaza isikhathi sokusetshenziswa kolutho.
Bahlabela ingoma yesonto.
Izingoma zempi zimnandi zivusa usinga.
5. Ubumnini bungasetshenziswa nxa kuchazwa okuphethweyo.
Uphethe imbodlela yefanta.
Isaka lempuphu liyavuza.
6. Ubumnini bungachaza ubulili.
Abantu besifazana sebebusa.
Impondo zenduna imvu ziqunyiwe.
7. Ubumnini bungasetshenziswa ekukhombeni ukulandelana kwezinto.
Lo ngumntwana wokucina emulini yakwabo.
Lo ngumnyaka wesibili esebenza lapha.
8. Ubumnini bungasetshenziswa nxa kufanekiswa:
Lowo yimvu yomuntu ngokulunga.
Ngihlangane lomgqala wentombi.
Inani
Inani lalo liyisichasiso esichaza usobizo esimlandelayo emutshweni. Inani lalo lilengxenye ezimbili, isivumelwano lesiqu.
Iziqu zenani
EsiNdebeleni zintathu kuphela iziqu zenani: -phi? -ni? -nye
Ukwakhiwa kwezivumelwano zenani
Izivumelwano zenani zakhiwa ngokususa unkamisa wokuqala wesiqalo sebizo. Eziqalweni zamabizo ezilomankankane –m, izivumelwano zenani zima kanje:
Isigaba Isiqalo sebizo Isivumelwano
senani
3 um(u)- wu-
4 imi- yi-
6 ama- wa-
Ezinye izigaba ezingelamankankane –m
Isigaba Isiqalo sebizo Isivumelwano
senani
3 um(u)- wu-
4 imi- yi-
6 ama- wa-
