uMthunywa
Ukwakha isandiso sendawo esabizwaneni senani
Ekwakheni isandiso sendawo ngesabizwana senani lesosabizwana sisetshenziswa lesandiso esakhiwe ngesabizwana soqobo kanje:
Kimi ngedwa kithi sonke
Kithi sodwa kini lonke
Kuwe wedwa kuzo zonke
Kini lodwa kulo lonke
Kubo bobabili kithi sobathathu
Nanzi ezinye izandiso zendawo esivame ukuzisebenzisa:
Phambili, phakade, emuva, phansi, kude, ezansi, enyakatho, eningizimu, phetsheya phezu, eduze, endle, phakathi, phezulu, phandle, enhla, njalonjalo.
Izandiso zesimo
Izandiso zesimo zakhiwa ngokuqalisa ngo-ka-:
Isiphawulo Isandiso
-bili kabili
-khulu kakhulu
-hlanu kahlanu
-nengi kanengi
-hle kahle
-ncane kancane
Isibaluli Isandiso
-banzi kabanzi
-mhlophe kamhlophe
-lukhuni kalukhuni
-mnandi kamnandi
– nzima kanzima
Izibonelo zemitsho etshengisa ukusebenza kwalesi sandiso:
Umtshaye kabili ngoswazi wawela phansi.
UNyathi ubike ukuthi uhambe kahle lapho abethunywe khona.
Livele kamhlophe iqiniso lapho eseqhakalazwe ngempama lipholisa.
Umfana ubike ukuthi uthwele kanzima lapho ahlala khona.
Izakhi ezithile ngesandiso
Izakhi ezilandelayo singazisebenzisa lezinye incezu zenkulumo ukwakha isandiso:
1. NGA-
nga + ibizo: nga + imota – ngemota.
Siyaphetha lokhu kuviki ezayo.
