Uncategorized

Ugogo uphapha ngenyoka

14 Mar, 2019 - 00:03 0 Views
Ugogo uphapha ngenyoka Ugogo Lakhele Ncube lenyoka eyakhutshwa emzini wakhe

uMthunywa

ZiNtatheli zikaMthunywa

ZISELE zikhakhamele izakhamizi zeSikhoveni eSigodini ngemva kokuba kuvele ukuba esinye isalukazi esingumakhelwane silenyoka esiyisebenzisa ukuphapha uma sisiyakhunkula phakathi kobusuku. 

Lokhu kuvele ngeviki ephelileyo kulandela ukuba kufike abaphurofethi kulesisigaba bafika bakhipha inkalakatha yenyoka endlini yesalukazi lesi. 

Ekhuluma lentatheli kaMthunywa uMnumzana Mehluli Nkomo oyisakhamuzi kuleyondawo uthe abaphurofethi laba bafike bakhipha inyoka emzini kagogo uLakhele Ncube babika njalo ukuthi inyoka le ibimsebenzisa ukukhunkula njalo ubesenelisa ukuphapha ngayo. 

Uthe abantu bamangele bebona inyoka le ikhitshwa ebhokisini endlini kagogo lo. 

“Ngokutsho kwabaphurofethi laba ugogo lo ubehlala lenyoka le endlini yakhe njalo ubeyisebenzisa ukwenza imithanithani yakhe,” kutsho uMnu Nkomo. 

Intatheli iphinde yaxoxa lonkosazana Sithabile Nyoni ongomunye welunga lomdeni uthe izakhamazi zazivele zimcabangela ukukhunkula ugogo lo. 

“Ugogo kwathiwa usetshenziswa yimimoya kodwa esigabeni abantu babemcabangela ukuthi uyaloya kungakho-ke isehlakalo lesi sibabonise lokhu ababehlala bekucabangela kukanti bekuyimimoya kuphela.

Ekhuluma lentatheli kaMthunywa ugogo lo uchaze ukuthi inyoka le ekhitshiweyo ubengelalwazi lokubakhona kwayo.

“Inyoka ukubakhona ibikhona sibili kodwa bengingakaze ngiyibone.

“Evikini abafika ngayo abaphurofethi ngangike ngavula itrunk yakhona kwakungela nyoka kodwa sebenze umlindelo yavela.

UNkszn Ncube uchazele intatheli ukuthi inyoka le atholakale elayo ibilethwa yimimoya yakubo yena ubengela lwazi lakho njalo inyoka yiyo esebenzisa yena.

“Bathi beqeda ukuyikhipha leyo nyoka bangibikela ukuthi bekuyimimoya yakithi ebingisebenzisa ngingela lwazi lakho mina,” kuchaza ugogo uMaNcube

Uphethe ngokuthi ukukhitshwa kwenyoka le kumlethele ukuthula lokukhululeka ubesediniwe ngokungcwaba abantwana minyaka yonke.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds