Uncategorized

Ufele isaka lamadada

04 Jun, 2015 - 11:06 0 Views

uMthunywa

Msilisi Dube
KULENDODA ehlala esigabeni seMabale eDete okubikwa igongode umngane wayo ngogodo wafa imethesa icala lokumncitsha isaka lokufakela amadada lokumtshontshela i-sim card.

Isiga lesi senzakale mhlaka 30 kunyanga esanda kwedlula.

Umuyi uOnias Zulu okungasatholakalanga iminyaka yakhe yokuzalwa ubhubhe ngemva kokutshaywa ngogodo nguDavid Mwanza.

Umfakazi oqotho ongathandanga ukuveza igama lakhe uncwebe uMthunywa indlebe ukuba umetheswacala wasuka waya komunye umuzi ovezwe ngokuthi kukoInnocent Tshuma ehamba lomuyi lapho abafika bacela iphepha lokugoqela igwayi.

“Ababili laba baqhubana baya emzini lo bafika bacela iphepha lokugoqa igwayi. Umetheswacala wayethwele idada ngezandla ngakho wasecela iphepha lokufakela idada lakhe kumuyi.

“Kukhanya umuyi wancitsha umetheswacala isaka okwenza wacaphuka waqala ukuthethisa umuyi emethesa lecala lokumtshontshela i-sim card yakhe. Kubikwa lo osengumuyi wala wemba phansi ukuba watshontsha i-sim card leyo okwacina kubangela ukuba ababili laba baqale ukulwa.

“Ababili laba babhuqana okwesikhathi eside okwacina kubangela ukuba umetheswacala akhulele umuyi ngakho wadobha ugodo wagongoda ngalo umuyi kanye ekhanda wawela phansi. Ngemva kwalokho umetheswacala wacela ezinyaweni,” kulandisa umfakazi lo.

Umfakazi lo ubuye waveza ukuba umetheswacala waphenduka ngemva kwemizuzu embalwa wafika wazama ukuthwala umuyi kodwa uthe esehambe isibanga esifitshane wabuya wamtshiya njalo.

Kuzwakale ukuba umuyi wadojwa ngezinye izakhamizi eziyizo ezamgijimisela ekilinika yeMabale kodwa ngokuswelakala kwenhlanhla wafika wedlula.

Isikhulumi samapholisa eSabelweni seMatabeleland North uInspector Siphiwe Makonese uthe ulutholile udaba lolu ngakho umetheswacala owayebalekile usebanjiwe ngakho uzathonisiswa emthethwandaba emalangeni.

“Sithole udaba lwendoda etshaywe ngogodo yafa. Indoda le eyatshaya omunye yabaleka isibanjiwe. Icala layo lizathonisiswa kunsuku ezizayo,” kuphetha uInsp Makonese.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds