UChaminuka uthi iZPC inothile

23 Apr, 2015 - 11:04 0 Views
UChaminuka  uthi iZPC inothile

uMthunywa

Mthokozisi Dube
UMQEQETSHI wabafana bakagetsi uSaul Chaminuka usebike ukuba ulethemba lokuba abadlali bakhe alabo lonyaka bangenza umsebenzi ngokufanayo kungakhathalekile ukuba umdlali othile akekho.
UChaminuka yena obuye labadlali abangeladumo oluyangaphi emdlalweni wakhe leCaps obuseWhite City ubike ukuba ukungadlalisi abadlali abalodumo akulani lokuthi ubafihlele iCaps yona adibana layo ngeSonto kumdlalo weligi.

“Njengabaqeqetshi siyabe sizama ukuthi umdlali wonke athole ithuba lokudlala kungakho lamuhla ngibuye labafana abancane ukuze sibone ukuthi umdlali lo singamdlalisa endaweni le nxa umdlali onje elimele kumbe engekho,” kuveza uChaminnuka.

UChaminuka ubike ukuba ufunde okunengi emdlalweni awudlale leDynamos ngoba ehambe ehlomile uMandigora wamupha abafana abancane bona akade besenza izimanga enkundleni watshaywa  nge2-0.

Kumdlalo wakhe leCaps United, uChaminuka ubeloGeorge Magariro, uTawanda Munyanduri kukanti uPride

Tafirenyika ubesebhentshini wangena ngokuhlohla kuphela .

“Ngikubonile konke ebengifuna ukukubona kungakho iqembu leZPC liqembu elinothe kakhulu,” kubika uChaminuka.

UChaminuka ubike ukuba kungcono ngoba bananza uzibuse belokunye lonyaka ikakhulu kukhangelwe ukuthi iqembu alinqobileyo yilo elamenza walukhutha ugatsha lwenkezo ye PSL noma nje esinye isandla sase siyibambile linkezo.

“Amaqembu axubene engalanini yelogu kungakho thina silwisela ukuthola imiklomelo engu-30 amaqembu engakangeni kuhlandla lesibili lemidlalo,” kubika uChaminuka.

UChaminuka ubike ukuba uyazi ukuba iCaps izabahlupha emdlalweni wabo wangeSonto ngoba inengi labadlali balo elazakalayo lizabe liphendukile kodwa akumswelisi buthongo lokho.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds