Uncategorized

Ubulala inja yomngane kubangwa umahotsha

07 Mar, 2019 - 00:03 0 Views
Ubulala inja yomngane kubangwa umahotsha

uMthunywa

Edson Khumalo

KULENDODA yelokitshini leMganwini eyaziwa ngokuthi nguGabriel Ncube etshiye izakhamizi zingelankani ngemva kokumbona equma inja umphimbo ngazathi yimbuzi ngoba etshaywe ngumnikazi wayo kubangwa umahotsha webhawa. 

Ekhuluma lentatheli kaMthunywa uMnunzana Nicholas Bhebhe uchazele intatheli ukuthi umahotsha nguye obeyimbangela yokulwa kwalaba okubangele ukuthi uRax (inja) ibulawe.

“UNcube uxabane loThabo Nyathi (umnikazi wenja) ebhawa bebanga ukuthi ngubani oyahamba loYvonne (umahotsha) kodwa kwacina kukhala izibhakela. Ngezwa umsindo ekuseni phandle kunguGabriel osekhiphe  ingqamu yakhe waquma uRax umphimbo,” kuchaza uMnu Ncube.

Imizamo yokukhuluma loNyathi obulawele inja yakhe ayibanga lempumela enhle ngoba ubengaludobhi ucingo, udadewabo oyazakala ngokuthi nguPatience Ncube ubikele intatheli ukuthi umnewabo akazange athande ukuthi udaba luye emapholiseni.

“Akulamuntu ongakwaziyo ukuthi uThabo loGabriel ngabangane, loba belwile asobantu abangabophisana.”

Intatheli yenelise ukuxhumana loMnu Ncube otshengise intatheli ukuthi akazisoli ngalokhu akwenzileyo yiloba bekuyisihluku esifuyweni esingelacala.

“Yena nguye owangisukelayo ethembe ukuthi ulomgaxa wakhe, ungaphi khathesi lumgaxa?”

UMnu Ncube uphethe ngokwethusela intatheli ethi indaba le ingaphuma uzababonisa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds