uMthunywa
UZALINDA enye iviki ngaphambi kokuthi akwazi ukufaka isicelo sebheyili owesifazane weKlarinet, eMpumalanga, osolwa ngokubulala abantwabakhe abane ngekhefu leKhisimusi andubana atshayele izihlobo zakhe athi uzilungisele isipho seKhisimusi.
UZemhle Zinhle Maditla (24) uvele enkantolo yeWitbank ngoMgqibelo lapho ebhekane khona lamacala amane okubulala. Kubikwa ngosuku “abulala” ngalo izingane zakhe laye wazama ukuzibulala kodwa kaphumelelanga.
UMinenhle (8), Blessing (7), Shaniqua (4) kanye loEthen Maditla obelenyanga ezilitshumi lanye babulawa ngunina.
Ubelaliswe esibhedlela ngaphambi kokuthi avele enkantolo kanti icala lidluliselwe kuviki ezayo njengoba kusaqhubeka ukucwayisisa.
Izingane zikaNkosazana Maditla ezatholwa zigoqelwe ngengubo endlini, zacina ukubonakala emphakathini mhlaka 26 Mpalakazi.
Umsolwa kuthiwa wafonela umndeni wawutshiyela umyalezo othi ubatshiyele isipho seKhisimusi egunjini lakhe lokulala mhlaka 30 Mpalakazi.
Ekhasini likaNkszn Maditla kuFacebook abangani bakhe bebelokhe bebuze njalo ukuthi kungani “ebulele” abantwabakhe.
Icala lizabuyela enkantolo mhlaka 14 Zibandlela.
