Uncategorized

SELUQEDE ABANTU UPHONDO LWENYANGA OLULENDLEBE

06 Aug, 2015 - 12:08 0 Views
SELUQEDE ABANTU UPHONDO  LWENYANGA OLULENDLEBE

uMthunywa

Charity Moyo loEthel Ncube
KULENYANGA  yeNkayi elophondo olulendlebe okukholwa ukuthi luhlala esikhwameni sayo njalo ethi ingaluvuthela   abantu bagcwale emzini wayo bezodinga usizo.

Inyanga le, uNkosazana Maria Ndlovu njalo owaziwa ngokuthi nguMkhando owesiqintini seGuwe utholakale elophondo lolu ngemva kokuhlahlulwa ngowafawafa akade bebizwe esigabeni lesi ngoLwesithathu kuviki ephelileyo.

Kubikwa uphondo lolu lwatholakala endlini kaMkhando lutshwathikwe esikhwameni esihlala impahla zakhe.

Uphondo lolu akusatholakalanga ukuthi ngolwenyamazana bani kodwa belumnyama tshu.

Umfakazi obikele uMthunywa othande ukubizwa ngokuthi nguSiziba nje kuphela uveze ukuthi uphondo lolu lwaluvuthelwa ukuze abantu behlelwe ngamashwa esigabeni andubana baqonde kuyo ukuze bayethola usizo.

“Uphondo olwakhutshwa emzini kaMkhando lwalulukhulu njalo lulendlebe ezimbili ezimhlophe.

“Uthe ebuzwa ukuthi ulusebenzisa njani, waveza ukuthi uyaluvuthela lube selusenza abantu behlelwe ngumnyama esigabeni andubana baqonde kuye futhi ukuyadinga usizo,” kutsho uSiziba.

Intatheli zifike esigabeni lesi zenelisa ukukhuluma loMkhando.

UMkhando uvumile ukuthi wayelophondo olulendlebe andubana athi yena uyinyanga yikho nje elezinto ezinengi emzini wakhe.

Ubikele uMthunywa ukuba uyaboniswa ngabaphansi ngakho akukho angakwenelisiyo yikho nje abantu baze bamupha igama elithi Mkhando ngoba esenelisa ukulungisa konke okonakeleyo.

“Ngaphiwa ibizo lokuthi nguMkhando ngoba ngisenelisa ukukhanda inhlupho ezitshiyeneyo ezifana lokwelapha, ukugezisa abaleminyama lokunye okutshiyeneyo,” kulandisa uNksz Ndlovu.

Ubuye waveza ukuthi ngesikhathi esiya kubowafawafa wayelande ukuthi ayephiwa amandla okuthi enelise ukwelapha kodwa ekufikeni kwakhe kwacina kubanjwa uphondo lolu.

Uthe owafawafa bamtshela ukuthi uledlozi elingalunganga okumele likhutshwe  eliyilo elimenza  acine eganga.
“Endlini yami kwakhutshwa uphondo lwenyamazana engaziwayo. Ngatshelwa ukuthi ngangilusebenzisa ukuvuthela ukuze ngilethe umnyama ebantwini.

“Lwalumnyama luluqatha njalo lulendlebe ezimhlophe,” kuveza uMkhando.

Uqhubekele phambili eveza ukuba owafawafa ababuye kule indawo bayasiza ngoba balande ukuzokhupha okungalunganga okusemizini yabantu.

“Angibasoli lababantu ngoba bayabona njalo bayasiza. Ngokunjalo ngiyabakholwa ngoba bayasincedisa.

“Kanti lina boMthunywa lezwa ngobani izinto zethu? Ulutho nxa lubonakale kuwe ngolwakho.

“Umhlaba sumi kubi bantwabami njalo kawuthambanga,” kuphetha uMkhando.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds