Uncategorized

Phos’ elakho: Kaye gulela ‘emfazini’ wakhe . . .!

27 Apr, 2017 - 00:04 0 Views

uMthunywa

Silo Mehleli Dube
KULESITSHO sesintu esithi amadoda yizinja singaqonde ukubathethisa kodwa kuqathaniswa izenzo zabo lezenja.

Phela yona inja ayilutho ukukhohlwa ungaze uyibhaxabule ngomqwayi womklampunzi qede uyibize uzabona isiza itshikiza umsila ikuthabela isikhohlwe nya.

Akusiwo wonke amadoda ayizinja kodwa ngobunengi bajinge bafane nje ungani bazalwa thumbu linye. Ngizanika umzekeliso womngane wami yena ongasekho emhlabeni ngoba noma ngingaze ngimnyeye ngeke uyemtshele lapho lawe ozafika khona kuye uyabe usukhohliwe. Lindoda yayithethe yabusiswa ngengani ezinhlanu kukuhle bethandana lomkakhe. Nxa kulothando egumeni zonke izinto zihamba kahle kujabula wonke umuntu sibi sabantwana ufica okungokhekhe lakho kuthandana ngoba kulandela impawu zothando okuzibona kubazali bakho.

Wenela ukuba lomakhwapheni (small house) umkhondo wothando walahleka ekhaya, kwaqala inzondo lolunya baluthungatha bengatholi ngitsho lensaba zothando kwasekuhlala kuhlulukelwe. Wayeseleminyaka engamatshumi amathathu watshada kwamhlanyisa okumakhwapheni esezewathutha wayahlala khona esenguye onakekela inswelo zikamakhwapheni ebhadala ngitsho lendleko yesikolo yabantwabakhe bakamakhwapheni ababelezibongo ezitshiyeneyo kukhomba ukuthi ngulo esimbiza sithi ngumakade ebona.

Kwasukuma inkungo yakuvala konke lokhu kumngane wami wayezonda anuke njengobulongwe bechalaha obunethwe yimbolisa mahlanga efusini lakwantunja nxa uthi uyamexwaya ngobubi ayesebenza.

Ngapha kumakhwapheni kwakuhlala kujatshuliwe imuli yakhe isidla inqweqwe zomlomo. Kwasekwamunya umungula wayethi nxa etshayisa emsebenzini noma engela mali kwakumele eze elengise lokhu lalokhuya. Atatazele edinga imali pho njengoba kungaholwa nsuku zonke badlalela phezu kwakhe omatshonisa eboleka ngapha langale eyeholo ngoba ingeneli waphenduka isigqili sothando.

Kwathi ngebhadi wazogula kuthe sekubona ukuthi usengaya kobheka abezayo emathunjini omhlaba phela njalo lenhlamvu zesiliva zona uJudasi athengisa ngazo iNkosi uJesu kwamthwala kwayamuthi qithi egedini lemuli yakhe bamonga kodwa ngeshwa umkhuhlane wawusudle lomnkantsho wasedlula emhlabeni.

Manengi amadoda azifica ekulesi simo ngithi kuwo hlomuka ufulathela imbiza okuphekwa ngazo lakuwe zikhona selela imuli yakho ukhohlwe ngokunengi ngoba kujinge kufane nje.

Kuyabe kusemnandi phela nxa useselamaqhinga okudinga imali kodwa athi angaphela uzaxotshwa njengenja engene emkulwini okulegula lehiqa lochago.

Phela okunye okungomakhwapheni kugiya kuklamasa kuthi dlana imali yakhe utshiye isipatshi akasimntakanyoko.

Omunye umfundisi waze wadla imali yomnikelo webandla ehamba lomakhwapheni ukuyabona inyamazana eHwange Game Park kodwa isimanga sasikhule sonke sizibona njalo ezinye sizibulala ngezinja.

Ekucineni ngithi kwabesilisa bonke yehlukanani lokushendeza linakekele imdeni yenu.

Ayixabene Mehleli Dube 0738305027.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds