uMthunywa
KULEMULI ephakathi kwetshe lembokodo nanko phela kulezigebenga ezabulala elinye ilunga layo zakhipha isidumbu amehlo osokusenza kubenzima ukungcwaba umuyi engelamehlo.
Imuli yako Matyobe ithi indodana yabo eyatshonayo uThulani Matyobe kayisoze ibaxolele uma bangayingcwaba ingela mehlo ayo.
UThulani obeleminyaka yokuzalwa engu-29 kubikwa wathathwa ngakibo kunyanga edluleyo liqula labantu ababesithi utshontshe ukudla esikolo sabantwana iZwelethemba esiseWorcester kweleSouth Africa.
Unina kamuyi uNkosikazi Nokuzola Matyobe oleminyaka engu- 63 ubike ukuthi yena akufunayo yikuthi abantu labo ababulala indodana yakhe babatshele ukuthi bawasa ngaphi amehlo omntanabo.
“Uzasihlupha singamngcwaba engelamehlo,” nguNkosikazi Nokuzola Matyobe lo.
UNkkz Matyobe uthe indodana yakhe ibiluhlupho njalo ibethatha izidakamizwa iphinde ibatshontshele ekhaya.
“Ubeluhlupho umntanethu esitshontshela kodwa ubelokhe eyindodakazi yethu njalo bekungafanelanga afe ngalindlela phezu kwalokho aphinde akhitshwe amehlo. Kuyasihlupha sibili lokhu,” kuchaza uNkkz Matyobe.
Ubuye wathi abantu laba babamba uThulani ekuseni njalo bathi befika edlini bathola ukudla ababesithi ukutshontshile.
“Ngabatshela ukuthi angizange ngithathe izinto ezibuye lomntanami. Yingakho ngavuma ukuba bangene badinge endlini yami,” kutsho uNkkz Matyobe.
UMnumzana Buzakubani Matyobe (56) onguyise kamuyi ubike ukuthi abenelisanga ukuya mngcwaba ekhaya labo e-Eastern Cape engelamehlo.
“Kunzima kithi lokhu ngoba kuzamele simngcwabele lapha khathesi,” kuchaza uMnu Matyobe.
Abangane bakamuyi ababili labo abatshaywa liqula labantu ababulala uThulani bayaphila njalo omunye wabo ubikele iphephandaba le Daily Sun esithi: “Bathi ngemva kokusitshaya basithatha bayasitshiya kwesinye esibhedlela. Batshela uThulani ukuthi abaleke kodwa ngangisazi ukuthi uzakufa ngoba ngababona bemhudulela emgwaqweni.”
Amapholisa ebengakakhulumi lutho ngesicelo seqembu le Daily Sun ukuthi batsho ngaloludaba izolo. — Ubulembu
