Pheka loMaSibanda. . . Yehla ngomphimbo itiye lama-muffin

Pheka loMaSibanda. . . Yehla ngomphimbo itiye lama-muffin

Sekuyisikhathi somqando, ngiyazi inengi amagedlela sehlala eseziko ebilisa amanzi etiye. Ngakho kuhle phela umuntu angabi elokhu enathisa ngesinkwa kokuphela kumele eyemini athi ama-muffin umuntu atshintshe unyawo.

Okudingakalayo

– Amaqanda amabili
– I-butter encibikileyo
– Itshukela ebizwa ngokuthi yi-golden sugar
– Ifulawa i-self raising
– Ukhezo
– Isawudo
– Ama phepha ama-muffin

Ukupheka
– Tshisisa i-oven ibeku-375 degrees.
– Hlanganisa ifulawa, isawudo, itshukela esitsheni ovubela kiso.
– Faka uchago, amaqanda kanye le-butter obusukuhlanganisile kufulawa uhlanganise.
– Gcoba i-butter encibilikisiweyo kuma phepha ama-muffin.
– Faka amaphepha ama-muffin lawa ku-pan.
– Usebenzisa ukhezo oluncane faka kuma pan, ungagcwalisi kakhulu.
– Sungafaka-ke ku-oven yakho uzabe ulokhu uhlola ukuthi kuyavuthwa uze ubone setshintshe umbala okutshengisa ukuthi sevuthiwe.

Ukudliwa
Ama-muffin amnandi unatha lenamunede kumbe letiye, ahlabusa khonaphana emini uziphumulele lemuli kumbe uvakatshelwe ngabantu bemzini.

SIMILAR ARTICLES

NO COMMENTS

Leave a Reply