uMthunywa
Uphiko lwenkukhu luthandwa ngabantu abanengi, emizini eminengi lufakelwa abadala ngoba bayakwazi ukuthi alumnandi nje lulomuntu phansi.
Phela uphiko lungena yonke into izwele osawudo lama-spices udle unambithe.
Okudingekayo
– Impiko zenkukhu ezingaba yi-500g kusiya ku-1kg
– Ama-tablespoon amabili ePortuguese Chicken Seasoning
– Ukhezo olulodwa lwe-paprika
– Isawudo
– I-pepper
– Ingxenye yenkomitsho ye-sweet chilli sauce
– Imbiza ezimbili
– Amafutha
– Ukhezo
– I-butter
Ukupheka
– Tshisisa amafutha ngembiza
– Faka inyama yakho emafutheni
– Uyiphenduphendule okwemizuzu elitshumi kusiya kwelitshumi lanhlanu
– Kumbe uyifake ku-oven iphekeke ivuthwe
– Kwenye imbiza tshisisa i-butter
– Thela i-sweet chilli sauce ugoqoze okwemizuzu emibili
– Thela i-sauce yakho le empikweni zenkukhu, hlanganisa ubone ukuba kuhlangane
Ukudliwa
Impiko zenkukhu ziyadliwa loba ngasiphi isikhathi, zihlabusa ngazo zonke izikhathi, khona nxa uzidla zizodwa uyaziquma ulimi. Sungazidla ukuze ube ledlabuzane lokudla, lokhu esikubiza ngokuthi yi-appetiser.
