Pheka loMaMoyo: Inyama yemvu

26 Nov, 2015 - 13:11 0 Views
Pheka loMaMoyo: Inyama yemvu

uMthunywa

INYAMA zehlukene njengoba zivela ezifuyweni ezehlukeneyo. Lapha kwelakithi eZimbabwe silenkomo, imbuzi, izimvu lengulube konke zinyamazana ezifuyiweyo emakhaya. Lamuhla ngizakhuluma ngenyama yemvu. Yona imnandi kodwa iyaqanda njalo ilamafutha amanengi. Umsila wemvu ngamafutha wodwa. Inyama le idinga ukuphekwa kuhle.

Amaqatha enyama yemvu ezithile (kebab on spikes)

Okudingakalayo
1 2kg yenyama yemvu engela mathambo.
2 Ukhezo olulodwa amafutha (cooking oil.)
3 Umhluzi welemoni elilodwa, isawudo le-pepper, ihanyanisi enkulu eyodwa, itamatisi elilodwa
4 Iqanda elilodwa, amahlamvu ebayil (bay leaves)
5 Izinti ezihlanu zezigodo
6 Umlilo olamalahle kumbe i-oven etshisayo yokosa 300f

Ukupheka
Geza izandla zakho, gezisa kumbe wesule inyama yonke ngelembu elihlambulukileyo.
1 Sika inyama yonke iziqana ubude bazo obungaba yisithupha.
2 Hlanganisa amafutha lomhluzi welemoni ubusuhlanganisa lenyama yonke.
3 Thatha umganu olenyama le ufake efrijini okwamahola angu 4 kumbe 5.
4 Ngemuva kwamahola thatha ingodo kumbe amapulanka acije indawo zombili.
5 Hloma iqatha ngalinye ngalinye kulezi izingodo ngokunje;
6 Iqatha, isiqa sehanyanisi, iqatha isiqa setamatisi, iqatha ihlamvu le-bay, iqatha isiqa se-egg plant.
7 Yenza njalo ingodo zize zigcwale kodwa kusale indawo yokuhamba ngapha langapha.
8 Khathesi yosa emalahleni omlilo kumbe ngokufaka ku-oven kundawo yokosa.

Ukudliwa
Khupha ezintini ngakunye.

Dlana lesitshwala amagwili irayisi elomhluzi.

Umlenze kumbe umkhono wemvu

Okudingakalayo
1 Umlenze kumbe umkhono
2 Amafutha, isawudo, i-pepper, isigaqa se-garlic, ilemoni lesosi yamatamatisi

Ukupheka
1 Vuvuzela umlenze kumbe umkhono ngomhluzi we-lemon, faka umlenze emganwini ubusufaka efrijini amahola amabili.
2 Khupha ufake emganwini wokupheka, vuvuzela isawudo, i-pepper le-garlic.
3 Faka ku-oven endaweni yokubheka ku300f. Yekela kuvuthwe kusiya ngokuthanda kwakho.

Ukudliwa
Sika iziqa izincezu uthele isosi udle lesitshwala kumbe amagwili. Kumnandi nxa usukhukhuza ithambo lomlenze kumbe umkhono, uze uqhule lomkantsho
Yinyama yemvu leyo, kholisa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds