uMthunywa
Inyama yesifuba yiyo inyama yamathambo yakuqala ephekwayo nxa kubulewe imbuzi. Ihamba mnandi-ke nxa iphekwe ngebhodo yakho ekhaya njalo iphekwe ngokwesintu ngokwaso hatshi efakwe amatamatisi lamahanyanisi akulezinsuku.
Okudingakalayo
– Inyama yesifuba
– Isawudo
– Amafutha okupheka
– Amanzi
– Ibhodo
– Ukhezo
Ukupheka
– Gezisa inyama yakho esihlahlelwe ihlanzeke isale ingela gazi.
– Ifake phakathi kwebhodo.
– Thela amanzi angaba yinkomitsho egcweleyo eyodwa.
– Faka isawudo ngokuthanda kwakho.
– Faka amafutha okupheka.
– Faka eziko kuxhwathe.
– Nxa amanzi owathelileyo angaphela ingakavuthwa iphendule kancane uthele amanye.
– Yenza njalo ize ivuthwe, nxa sivuthiwe ikhanzinge wehlise izinga lomlilo ukuze ingatsheli.
– Nxa suyikhanzingile yaze yatshintsha umbala njalo susuthisekile lawe thela amanzi angaba phezu kwengxenye yenkomitsho njalo wekele kuxhwathe njalo.
– Amanzi la okucina yiwo azaba ngumhluzi akumelanga kuxhwathe aphele, lawo nxa esengani sejiya njalo ngemva kwemizuzwana nje sungephula imbiza yakho-ke.
Ukudliwa
Inyama yesifuba ihlabusa nxa idliwa lesitshwala, inengi lijayele ukuyidla lesitshwala semini kodwa hatshi yona loba nini ziyakhupha kuphela.
Zama-ke ukuyipheka ngalindlela uke uphumuze amatamatisi lemihluzu le yesilungu uzwe ukuthi okhokho babeyidla injani.
