OWE-DYNAMOS UTHENGA UPRINCE

27 Sep, 2018 - 00:09 0 Views
OWE-DYNAMOS UTHENGA UPRINCE Prince Dube

uMthunywa

Intatheli kaMthunywa
KULOMSEKELI weDynamos olodumo koBulawayo osephosele imali yokuthi kuthengwe uPrince Dube, umgadli ofunwa yiHighlanders.

ULawrence Gwati, ongumaqhuzu weLG Foods ubengowokuqala ukuphathisa kuhlelo lweHighlanders lokuhlanganisa imali yokuthenga uDube ukuze abengumdlali opheleleyo kuTshilamoya.

UGwati uthe ngendlela iHighlanders eqoqeke ngayo, usecabange ukuthi ibhizimusi lakhe libonge ngemali yokuthenga umdlali owenza kuhle kuyo yonke imidlalo.

Kodwa uthe kasoze atshintshe umbala wethimu ayisekelayo.

Ngesikhathi abanye kumuli yeBosso besola uhlelo lokuthi abalandeli babeyingxenye yokuthengwa komdlali lo, uGwati kazange athandabuze ukuthi afake imali yakhe loba esekela isitha esidala iDynamos.

UGwati uthe isizatho sokuthi ancedise ukuthenga uPrince sivela ekuthini uyakholwa ukuthi ithalenta elikumdlali lo akumelanga lilahlwe.

“Ngisekela iDynamos ngenhliziyo yami yonke. Lokho kuyaziwa. Ithalenta likaPrince Dube kumele lincediswe, lisekelwe ngoba ungumdlali wakuleli. Okunye okungifuqe ukuthi ngiphathise yikuthi ngikhuthazwa yibuhle langokuqoqeka kwenhlelo zaleliqembu.

Kuliviki ihofisi yeHighlanders yethuse ngokubika ukuthi isivule inombolo zebhanga zokuthi abalandeli baphosele imali yokuthenga umdlali. Iqembu libe ngelakuqala ukusebenzisa i-crowd funding esekuyindlela yokudinga imali ebulenjini kunhlanganiso ezinengi kulezinsuku.

UPrince usethengwa nge-EcoCash lange-OneMoney njengokutsho kwekhasi leHighlanders ebulenjini.
Lokhu, ngokutsho kweBosso, kuvela kusicelo sabalandeli.

“Selikhulumile njalo loPrice Dube usekhulumile. Lilamaviki amathathu okuthi lincedise. Tshelani abanye . . . , kutsho iHighlanders kukhasi layo leFacebook lakuTwitter.

UPrince ngumgadli kanobutshuzwayo ongelaqembu okwamanje, ofunwa yiHighlanders ngelibomvu ilihlo.

Abasekeli beHighlanders bazamkhumbula lumdlali ngoba nguye owahlohla ibhola lakuqala mhla ezikaMagebhula zinqoba eHarare ngesizini ka-2017. Umdlalo lo waqeda isiqalekiso seminyaka elitshumi iBosso isehluleka ukunqoba iDynamos.

Akula mdlali kumbali yeHighlanders osenikezwe inkundla enjengale yokuthi adingelwe imali ngazo zonke indlela ngemizamo yokuthi iqembu limfake enhlelweni zayo kusizini ezayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds