Isabizwana siyaqhutshwa

19 Feb, 2015 - 09:02 0 Views
Isabizwana siyaqhutshwa

uMthunywa

Kuviki edlulileyo sichaze isabizwana soqobo kanye lokwakhiwa kwaso. Sinanzelele ukuthi izabizwana zingamalunga amabili; isiqalo lesiqu. Iziqalo phose zonke zicina ngonkamisa – o. Zile siqu esifanayo esingu – na.

Ukusetshenziswa kwesabizwana soqobo:
Singasebenza sandulele ibizo. Uma sisebenze kanje sigcizelela ibizo.
Izibonelo: Zona inkomo zifohlile esibayeni.
Zona – yisabizwana soqobo. Inkomo libizo.
Lona ilanga liyatshisa. Lona yisabizwana soqobo. Ilanga libizo.

Isabizwana singasebenza silandele ibizo emutshweni.
Izibonelo: Abantu bona bakhala ngendlala.
Abantu libizo. Bona yisabizwana soqobo.
Ukudla khona kuyafuneka.
Ukudla libizo. Khona – yisabizwana soqobo.
Isabizwana singamela ibizo eliyinhloko emtshweni, sibeyinhloko yalowo mutsho.
Isibonelo: Thina siyahamba kusasa.
Thina yisabizwana soqobo esimele amabizo abantu abangaqanjwanga njalo siyinhloko yomutsho.
Zona kazibonakali. Zona yisabizwana soqobo esimele ibizo izinkomo njalonjalo. Siyinhloko yomutsho njalo.

Isabizwana soqobo singaba ngumenziwa emtshweni.
Izibonelo: Ubaba uthenge zona. Zona yisabizwana soqobo esingumenziwa kulo umutsho.
Abafana babulale lona. Lona yisabizwana soqobo esingumenziwa kulo umutsho.

Izabizwana zingasebenza zilandelane emtshweni.
Izibonelo: Umfana usitshengise lona leli.
Lona yisabizwana soqobo. Leli yisabizwana sokukhomba eduze. Ngakho-ke ziyalandelana izabizwana emtshweni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds