Nqwa lembongi yemaJawundeni

23 Apr, 2015 - 14:04 0 Views
Nqwa lembongi yemaJawundeni

uMthunywa

Imbongi ziqakatheke kakhulu ngoba ziyisiphala solwazi lamasiko njalo zithokozisa uzulu. Kukanti kudala imbongi zazihaya amakhosi.
Kule iviki siliphathele imbongi ephuma eMaJahundeni eGwanda edume ngokuthi nguNqindi, uLerato Ndlovu.

Ungazi okunengi ngembongi le,  kungxoxo elandelayo phakathi kwentatheli uEthel Ncube (EN) loNqindi Ndlovu (NN)

Okokuqala sikutshayela ihlombe ngokuba yimbongi njalo umphakathi uthanda ukwazi ngcono ngawe?

NN: Okokuqala ngibonga ukuthi lami ngiphiwe ithuba kuphephandaba likazulu. UNqindi Lerato Ndlovu uzelwe ngo1965 ngithethe ngilabantwana labazukulu. Ngazalwa ngo1965 esabelweni seNtalane. Ngafunda eNtalane primary school kumfundo yaphezulu ngafunda eNtalane Secondary School ngacina kufomu 4 kodwa angenelisanga ukubhala imihloliso yogwalo lwesine kumfundo yaphezulu.Okwakhathesi ekwenzayo yikuhamba endaweni ezitshiyeneyo ezinjengaboBulawayo,Plumtree ngisenza izinkondlo emadili omtshado leminye imicimbimbi lapho engiyabe nginxuswe khona.

Waqala nini ukuba yimbongi njalo kungani wakhetha ukuba yimbongi?

NN:Ngaqala kubo1993 ngisesikolweni kumfundo yaphansi. Ngangijayele ukuncitisana labanye esikolweni ngabuya ngaya kumncintiswano wezimbongi kusabelo seGwanda ngaba ngowokuqala eGwanda yonke jikelele. Kweminye imincitiswano eyabe ilaboAlbert Nyathi ingaze ngifinyelele kuyo ukuthi ngincitisane labo. Ngifisa njalo ukwenza amaCD lamaDVD enkondlo zami ukuze wonke uzulu ongafinyeleli ukumbona azizwele uluju engilalo ngenkondlo.

Kuyini okhangelele ukukwenza kumnyaka ka2015?
NN: Kulumnyaka zamiOkunye ngikhangelele ukuthi ngiye kumastudio ngirekhode izinkondlo okwenzayo

Kuyini ngaphandle kokuba ?

NN:Ngiyalima imibhida silengadi elinywa yizakhamizi eNtalane. Isikhathi esinengi ngiyabe ngilima ngithengisa imibhida lamatamatisi ngiyethengisa edolobheni leGwanda.

Kukhona yini okutholayo ngokwenza inkondlo zakho kumbe uyazenzela abantu mahala nje?

NN: Okwamahala yikufa kuphela okukho okunye. Inkondlo ngiyenza mahala kumbuthano eyokuthakazelela uzibuse kuphela. Nxa abantu bengicelile embuthanweni yabo enjengemitshado amadili okuzalwa ngiyabhadalisa imali efika $100 ukuze lami ngithole okokuyakupha abazukulu kwami.

Yiziphi inhlupho ohlangana lazo ekubeni yimbongi?

NN:Inhlupho zikhona njalo azipheli. Olwakuqala uhlupho yikuswela ukunxuswa emncintiswaneni efana laboNama ikakhulu koBulawayo okunye yikuswela imali yokuthi ngifinyelele lami kumastudiyo ngiphume kumabonakude.

Ngubani owakwenza wathakazelela ukuba yimbongi?

NN: Umbalisi wami nguye owangenza ngathakazelela ukuba yimbongi nxa ngangimbona eseqayeqa esenza inkondlo ngangikholisa lami ngahawukela ukuba yimbongi ngathi lokho kungeke loba sekutheni yikho nje namhlanje ngiyimbongi ngenxa kambalisi wami

Njengoba ulemuli lonkosikazi manje uyenelisa njani ukwenza inkondlo endaweni ezifana laboPlumtree, Bulawayo ngoba imuli iyabe ikudinga ukuthi  ube layo?

NN: Inkondlo angizenzi nsukuzonke ngiphuma kabili kumbe kabili ngeviki nxa ngingaphumanga ngitshona lemuli yami ngibethela izinganekwane.

Nkuthazo bani ongayitshiyela imbongi ezisacathulayo?

NN: Okokuqala yikuthi umuntu azithande njalo esabe uNkulunkulu njalo amhloniphe. Ukubalesibindi nxa usenza  inkondlo  kungaze kubenzima kangakanani abantu bangaze bakuhleke ungabi lendaba lakho qhubekela phambili. Njalo nxa uhaya inkondlo lomzimba kumele unyakaze ungami endaweni eyodwa ukwenzela ukuthi ihlabuse.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds