Noma Sengifile: N S Sigogo

01 Feb, 2018 - 00:02 0 Views

uMthunywa

Silo Ophezulu Stinta kugwalo
SISAQHUBEKA ngodaba lwethu lapho esicine khona amanina athile esenephuzane kwaze kwabizwa lemota yezigulane bagijinyiselwa esibhedlela.Esikunanzelelayo lapha yikuthi abanye abantu balenhliziyo ezincane, okubenza behluleke ukucazulula inkinga loba indaba abahlangana lazo ngendlela ezothileyo.

Siyabona lapha abanye abesifazana besola kakhulu indlela uMaGumede aphatha ngayo inhlanganiso, ungulowo odabula phakathi inhlanganiso axabanise abantu.

Ingxoxo yaboMaDlamini iqhubekela phambili bebumba bediliza baze bathathe isinqumo sokuthi baqale eyabo ikilabhu yona eyayizaba ngeyokuthungela bezihlabelela besonga labagulayo, baphume kule eyayikhokhelwa nguMaTshuma eyayingacaci impumela yayo. Kulapho ababezimisele khona ukuqhubeka belwela indlu kaMaMnkandla.

Ngendlela etshengisa ukubambana bathi lalapho nxa babezakwehluleka babezadlisa luklubhu lowo owayezathenga leyo ndlu.Sinanzelela isihluku sikamanisipala into ebuhlungu eyehlela ugogo uDeli, lapho esexotshelwe phandle nguye umanisipala lo, umzukulu wakhe omncinyane wangenwa ngumqando okwamenza wagula wedlula emhlabeni. Ngobunye ubuhlungu obabudalwa ngumanispala lobu, intandane wayengayigcini ngitsho.

Njalo kasiboni kusiba lendlela zokukhulumisana labantu mayelana lezikwelede lezi, njengalokhu esikubona kusenzakala kulezi nsuku lapho abantu abalezikwelede bebizwa yiziphathamandla zikamanisipala besiyakwenza izivumelwano ezithile ngokubhadala izikwelede zabo, umuntu lapho eseke waboniswa ngobubi langengozi yesikwelede aphakathi kwaso ulakho ukwethuka azame imizamo thize ngaso.

Ukukhulumisana lokhu kuyindlela etshengisa ukuthi abantu abasebenza kumanisipala ngabantu abaphila labantu njalo besazi izidingo kanye lenhlupheko abantu abaphakathi kwazo.

Lapha indaba ziqhubeka zibuhlungu, zisika emathunjini, siyananzelela indikimba yenkolo lapho sibona omama bechiphiza izinyembezi kungathi ithemba labo liyancipha, baguqukela emthandazweni bonke bavumelane ngokuzibika enkosini baqondisa ubunzima lobu abaphakathi kwabo kuMdali.Okuyindlela enika ithemba njalo enika isixazululo engxakini abaphakathi kwayo.Ngamandla enkolo lawa esihlangana lawo aletha ukuthula ebantwini lapho sebephelelwe ngamaqhinga bengasakwazi abangakwenza.

Okuqakathekileyo yikuhlonipha kuphela, leyo nkolo eyabe ikhangelwe ngabanengi ukuze kube lokuthula phakathi kwabantu kungabi khona ukudonselana.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds