uMthunywa
Silo Ophezulu Stinta kugwalo
ABANTU bemzini babelokhu behlolahlola endlini kagogo uMaMnkandla ngokupheleleyo. Babuya njalo bakhulumisana loMaGumede betshengisa usizi lwabo ngesimo salapha ekhaya. Isikhulumeli sezivakatshi lezi sathembisa njalo kuMaGumede ukuthi babezaletha impahla zokugqoka zikagogo kanye labazukulu bakhe.
Babezathumeza isitofu samagetsi babuye njalo babhadalele lamagetsi lawo ayevalwe ngomnyaka kampeyana. Ngesikhathi esifanayo abantu bemzini bacela uMaGumede ukuba ahambe labo phandle lapho baphenduka sebesisitheka ngamakhadibhokisi ayegcwele ukudla. Bakwethula kugogo uMaMnkandla owehluleka lokubonga kodwa wavele watsho ngezinyembezi.
Ngalelo langa umhlangano wekilabhu yeBambanani wangenelwa koMaGumede lapho akwakugcwele ngendlela engajayelekanga amalunga wonke ayebuyil, kwakubuye labatsha abahlanu abafisa ukuzokuba yingxenye yeqembu labomama laba.
Amalunga amatsha la axoliswa ngelithi babengabuya ngemva kwamaviki amabili, babengathandi labo ukuthatheka bengakaziboni ukuthi baqonda ngaphi babeyinhlekisa ngelakusasa. Abantu bonke babevele befuna ukuyazizwela mathupha ngodaba lukagogo uMaMnkandla isimanga ababengasijayelanga.
Ngokukhangelelweyo uMaGumede wasukuma wabalandisela udaba ngokugcweleyo. Bonke bajabula okwamagama.
Omama benhlanganiso babonga kakhulu ukuphathiswa kukaMaDlamini kanye loMaGumede. Babekhala ngelithi kungasibo indlu yomfelokazi wenkosi yayizathathwa ithengiselwe izikhulu. Empilweni kuyinto enhle kakhulu ukuthi nxa kulabantu abancedisayo kumbe abenze kuhle besiza abanye labo bantu babongwe ukuze labo basebenze ngenhliziyo ekhululekileyo emhlophe bangaze baphela amandla. Sinanzelela amakhosikazi eBambanani ebonga kakhulu ukuzimisela kukaMaGumede kanye loMaDlamini.
Ngalelolanga bakhuthazana kakhulu ngelithi bangabe besabuyela emuva, baqinise inhlanganiso yabo balwisane lezigelekeqe lezi ezazibahluthunela izindlu zabo. Bamisa elithi bazamela bakwenze kubenzima okwamagama ukuthi abesifazane abafelokazi bamane nje bahluthulelwe izindlu zabo. Basibopha isinqumo sabo saqina mfi. Ukubambana kanye lokuphilisana ndawonye emphakathini kuyinto enhle okwamagama.
Abahlali belokitshi leLobengula labo kabazange bahlele nje baqoqe izandla kodwa labo babuthanisa amasentanyama besenzela omunye wabo owayephakathi kohlupho. Phezu kwakho konke lokhu okwakusenzakala inhlanganiso yezakhamizi zeLobhengula yayithule zwi kungezwakali lalapho azithukuze khona kuyisikhathi sokuthi amele izakhamizi
