Nanzelelani imlilo yendle

21 Jun, 2018 - 00:06 0 Views
Nanzelelani imlilo yendle

uMthunywa

Thando Dube
UZULU elizweni lonke jikelele ucetshiswa ukuthi aqaphele imlilo yendle ngoba iyingozi emadlelweni ezifuyo, kumvelo kanye lempilweni zabantu.

Ekhuluma loMthunywa uMnumzana Decent Moyo oyisikhulumi seEnvironmental Management Agency koBulawayo uthe kuqakathekile ukuthi abalimi bavikele njalo baqaphele imlilo yendle.

“Sokuyisikhathi sobusika njalo lenyanga kaNtulikazi elomoya omemethekisa lula imlilo le siseduze ngakho abalimi sokumele baqale ukuvikela izifuyo kanye lamasimu abo ngokwenza ama-fire guards emingceleni yamapulazi lamasimu abo,” kutsho uMnu Moyo.

“Ukwenza ama-fire guards kuyindlela enhle yokuvikela ukumemetheka komlilo. I-fire guard yenziwa ngokucenta indlela egombolozela amasimu kumbe ipulazi ukuze umlilo wendle ungenelisi ukufika ethangweni lwakho.

UMnu Moyo uveze ukuthi imlilo yendle yandise ukubangelwa yibutshapha babantu

“Umlilo yendle yandise ukubangelwa ngabantu abathi bengabasa umlilo ezilindweni zamabhasi bangawucitshi nxa sebesuka ubusumemetheka. Abanye ngababhemayo abalahla izitompu zegwayi ezingacitshwanga.

“Kwesinye isikhathi abantu baqala umlilo lo belenhloso yokuqala amasimu amatsha betshisa izigumunga labanye abazingela amagundwane. Abantu laba abananzeleli ingozi abaziqalayo.”

UMthunywa ukhulumisane loNkosikazi Simangele Masuku ongumlimi eSigodini yena othe abalimi abanengi sebelahlekelwe yizifuyo kanye lezilimo zabo kuminyaka edluleyo ngenxa yomlilo wendle.

“Umlilo wendle uyingozi kakhulu kithi abalimi kanye labantu nje, bekunganceda kakhulu nxa abakhokheli bezigaba zethu bengakubeka ezandleni zabo ukuthi abantu bayafundiswa ngobubi bomlilo wendle lokuthi ungavikelwa njani, lababangela imlilo le kumele bajeziswe ukuze babeyisibonelo kwabanye abenza lokhu,” kuphetha uNkkz Masuku.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds