Lungiselelani isikhathi sendlala kusase masinyane

28 Feb, 2019 - 00:02 0 Views
Lungiselelani isikhathi sendlala kusase masinyane

uMthunywa

Edson Khumalo

ABALIMI beZimbabwe yonke jikelele bakhuthazwa ukulungiselela isikhathi sendlala kusase mansinya ukwenzela ukuthi benqabele ukufelwa yizifuyo.

Ekhuluma lentatheli uMnumzana Mike Nemashakwa onguLivestock Officer uchaze ngezikhathi lapho abalimi okumele bavikele ngazo izifuyo zabo.

“Isikhathi sendlala sibakhona enyangeni zokuqala kwezulu. Inyanga eziyingozi ezifuyweni nguNcwabakazi kusiya ekuqaleni kwezulu, kuyabe kungelatshani njalo inkomo kazifani lembuzi ezidla ngitsho lamahlamvu,  zona ziyacaka lemikhuhlane icina izihlasela lula.

“Abalimi kumele bananzelele inyanga lezi bazilungiselele kusase lesikhathi.

UMnu Nemashakwa ubuye waveza ukuthi abalimi kumele bagcinele inkomo zabo amahlanga omumbu ukuze zibe lokudla nxa utshani bungasekho.

UMnu Nemashakwa ukhuthaze abalimi ukuthenga i-molasses eChiredzi beyihlanganise lokudla kwenkomo ukuze zithole amandla.

“Ngesikhathi sendlala nxa sokuswelakala utshani obuyibo obupha inkomo amandla, abalimi ngibakhuthaza ukuthi bathenge i-molasses baphe inkomo zabo ukuze zithole ukudla okuzipha amandla ukuze zingahlaselwa yimikhuhlane evame ukuhlasela inkomo ngesikhathi sendlala.

Echazela intatheli uMnu Nemashakwa uthe i-molasses ivela ekulungiseni i-sugar cane njalo ilungile kakhulu ekunoniseni inkomo.

UMnu Nemashakwa uphethe ngokuthi abalimi balomlandu wokuthi babone ukuba izifuyo zabo ziyathola amanzi.

“Ukuswelakala kwezulu yinto abalimi abangeke bayitshintsha kodwa ukuswelakala kwamanzi balakho ukukuguqula, ngokugebha imigodi edonsa amanzi ngamandla elanga.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds