Kulula ukufuya amaCobb 500

17 May, 2018 - 00:05 0 Views
Kulula ukufuya amaCobb 500

uMthunywa

Thando Dube
ABALIMI indawana zonke abalesifiso sokufuya inkukhu zenyama bakhuthazwa ukuthi bafuye umhlobo we-Cobb 500 ngoba kungumhlobo wama-broiler ongahluphi ukufuya.

Ekhuluma loMthunywa uMnumzana Tendai Ndlovu uthe ukufuya inkukhu lezi kulula okwamagama
“Inkukhu zomhlobo we-Cobb 500 ngumhlobo wama-broiler ophangisa ukukhula. Inkukhu lezi zinhle ngoba azidli kakhulu njalo azidingi lokuphiwa ukudla okukhulisayo kodwa ziyenelisa ukukhula masinyane ngokudla okwejwayelekileyo kunjalo,” kutsho uMnu Ndlovu.

Uqhubekele phambili wathi okunye okuhle ngomhlobo lo yikuthi azidedesi kakhulu njengeminye imihlobo yama-broiler kodwa ukuze amatsiyane akhe akhule kuhle kufanele umlimi ananzelele ukuthi uziphatha njani kusukela ezithenga aze ayezigcina ezilugwini zakhe.

“Kuqakathekile ukuphatha kuhle amatsiyane, kusukela uwathenga kumele uwahlolisise ukuthi ngumhlobo oyiwo njalo nxa uzithatha ekuseni kumele uhle uzigijimisele lapho ozazigcina khona.

“Ekufikeni lamatsiyane lawa ezilugwini zawo umlimi kumele ahle ananzelele ukuthi athola ukudla, amanzi lendawo yokuhamba kwazo eyaneleyo ukuze ejwayele masinyane lapho azahlala khona. Ukwehluleka ukugcina kuhle amatsiyane ngalesi isikhathi kuzabangela ukuthi acine ekhula ngendlela engafanelanga,” kuchaza uMnu Ndlovu.

Inkukhu lezi ukuze zikhule okusuthisayo kufanele zithole ukukhudumala okufaneleyo njalo izilugu kufanele zihlale zihlanzekile ukuze inkukhu zingahlaselwa yimikhuhlane.

“Umlimi engakaqali ukufuya inkukhu zakhe kufanele izilugu zakhe azagcina khona inkukhu zakhe zifafazwe ngemithi ukuze zithole indawo ihlanzekile, kufanele umlimi ananzelele ukuthi inkukhu zakhe azibanjwa yi-heat stress ngoba zingahlaselwa ngumkhuhlane lo emavikini amabili zithengiwe azisoze zikhule kuhle.

“Umhlobo lo wenkukhu ulenyama enhle njalo yizo ezilomkambo ophezulu elizweni langaphandle,” kuphetha uMnu Ndlovu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds