Uncategorized

Kuhlinzwa amehlo eRichard Morris

29 Nov, 2018 - 00:11 0 Views
Kuhlinzwa amehlo eRichard Morris

uMthunywa

Musa Janga
KULABODOKOTELA bamehlo abavela elizweni leSaudi Arabia abaqhuba uhlelo lokuhlinza abantu amehlo esibhedlela seRichard Morris koBulawayo.

Odokotela laba abasebenza ngaphansi kwenhlanganiso ye-Al Basar International Foundation baqalise umsebenzi lo ngoMvulo kuyonale iviki njalo bakhangelelwe ukuqeda ngoLwesihlanu.

Intatheli kaMthunywa ikhulumisane lesikhulumi senhlanganiso ye-Al Basar International Foundation uMnumzana Asidi Chibwana yena obike ukuthi kuhlelo lolu bakhangelele ukuhlinza abantu abakhathazwa ngamehlo kugoqela lalabo abalenxwala.

“Sikhangelele ukuhlinza abantu abangamakhulu ayisithupha. Sileziboniboni (spectacles) njalo esilazo ezingafika amakhulu amahlanu zokubala esizazipha abantu abakhathazwa ngamehlo,” kuchaza uMnu Chibwana.

UMnu Chibwana uthe inhlananiso ye-Al Basar International Foundation iyaqala ukuzoqhuba umsebenzi ofana lalo kuleli lanxa linhlanganiso isileminyaka eminengi yaqala umkhankaso lo kwamanye amazwe.

“I-Al Basar International Foundation yaqala ngomnyaka ka1980 njalo isike yasebenza kwamanye amazwe ase-Asia lalapha eAfrika kodwa besingakaze size eZimbabwe ngakho kulithuba elihle ukuthi sizoncedisa abantu abahlutshwa ngamehlo lapha eZimbabwe.

“Sisebenzisana sibathathu; thina, abe Islamic Medical Centre kanye labogatsha olubona ngempilakahle kanye lokondliwa kuhle kwabantwana lapha eZimbabwe,” nguChibwana lowo.

Uhlelo lokuhlinzwa amehlo luqalisa ekuseni ngehola lika-7 lize liyetshona ilanga.

“Siqalisa ukuhlinza labo abayabe bebuyile ekuseni ngo-7 kusiya ngokuthi kubuye abantu abangaki njalo asikhethi muntu, oyenelisa ukuthi abuye kafike sizomsiza,” kuphetha uMnu Chibwana.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds